E hënë, 21 Qershor, 2021
32.5 C
Tirana

Kur dhe pse duhet ta bëni vaksinën kundër gripit të zakonshëm

Në Hemisferën Veriore, sezoni i gripit nis rreth muajit nëntor, dhe barra e kombinuar e gripit të stinës dhe Covid -19 mund t’i mbingarkojë spitalet e shumë vendeve. Lajmi i mirë është se një vaksinë e sigurt dhe efektive e gripit është në dispozicion për të gjithë nga mosha 6 muajsh e sipër.

“Përgjigja ndaj pyetjes ‘Pse duhet ta bëj vaksinën kundër gripit?’, është e njëjtë si çdo vit. Por këtë vit ka disa arsye shtesë pse vaksinimi është shumë i dobishëm”- thotë Emili Landon, drejtoreshë ekzekutive e Parandalimit dhe Kontrollit të Infeksioneve në Universitetin e Mjekësisë në Çikago.

Ajo shpjegon se gripi i zakonshëm mund të sjellë pasoja të tmerrshme, duke filluar nga humbja e produktivitetit deri në vdekje.

“Ju duhet të bëni gjithçka që mundeni për ta parandaluar gripin, dhe vaksinimi është mënyra më e mirë”, thotë Landon.

Përveç mbrojtjes së vetes, vaksina anti-grip ndihmon gjithashtu në mbrojtjen e anëtarëve të tjerë të familjes që mund të jenë më të prekshëm ndaj sëmundjeve të frymëmarrjes, vëren ajo. Qendrat Amerikane për Kontrollin dhe Parandalimin e Sëmundjeve, vlerësuan se në sezonin 2018–2019, rreth 35.5 milion amerikanë u prekën nga gripi dhe se rreth 34.000 prej tyre vdiqën.

Vaksinat anti-grip parandaluan sëmundjen e të paktën 4.4 milionë amerikanëve të tjerë, dhe rreth 3.500 vdekje. Në vitin 2020, vaksinimi i sa më shumë njerëzve që është i mundur kundër gripit, mund të jetë kritik për parandalimin e një skenari të “dy-epidemive”.

“Në këtë sezon, është edhe më e rëndësishme të bëni vaksinën kundër gripit, pasi do të jetë i vështirë të bëhet dallimi midis gripit dhe Covid-19, duke pasur parasysh se që të dyja sëmundjet kanë simptoma të ngjashme”, shprehet Landon.

Për këtë arsye, njerëzit që vaksinohet kundër gripit, mund të mos kenë nevojë të  karantinoren apo të testohen për Covid-19 si një masë paraprake. Prandaj, vaksinimi masiv kundër gripit mund të zvogëlojë testimet e panevojshëm për Covid-19, dhe të mbrojë njerëzit me imunitet më të brishtë.

Lexo edhe :   Maqedoni e Veriut, regjistrohet rasti i dytë me variantin indian të Covid-19

Në jugun e globit, kulmi i çdo sezoni gripal ndodh gjatë dimrit, gjë që i jep mundësi epidemiologëve ta parashikojnë ashpërsinë e sëmundjes në Hemisferën Veriore gjatë dimrit të ardhshëm. Këtë vit sezoni i gripit në hemisferën jugore ishte relativisht i butë, ndoshta si pasojë e masave paraprake kundër Covid-19, thotë Xhejms Çerri, mjek i sëmundjeve infektive pediatrike në Universitetin e Kalifornisë.

“Ndoshta mund të kemi një sezon më të lehtë të gripit të zakonshëm. Megjithatë, të gjithë duhet të bëjmë vaksinën e gripit”- thekson ai. Por a ka një kohë optimale kur duhet bërë kjo vaksinë? Stjuart Rej, mjek i sëmundjeve infektive në Shkollën e Mjekësisë të Universitetit Johns Hopkins, thotë se të gjithë njerëzit, nga mosha 6 muajsh e sipër duhet të vaksinohen kundër gripit, mundësisht para fundit të muajit tetor.

Lexo edhe :   Për të katërtën ditë më rradhë, asnjë viktimë nga Co*id-19 (Bilanci)

“Duhet pak kohë që sistemi juaj imunitar të njohë dhe të reagojë ndaj vaksinës, dhe këto përgjigje zgjasin për një kohë të gjatë. Mesatarisht, antitrupat e prodhuar nga përgjigja imune e një individi ndaj një vaksine, kërkojnë 2 javë për t’u zhvilluar dhe ndonëse nuk ka një afat kohor përfundimtar, ai mund të zgjasë për rreth 4-6 muaj, kjo duke pasur parasysh që imuniteti i një personi varet nga shumë faktorë, nga funksioni i sistemit të tyre imunitar, tek virulenca e llojit të gripit. Dhe sistemi imunitar mund të ketë një “kujtesë” të vaksinës për më shumë se 1 vit, që të mund të zgjohet dhe të kontribuojë në mbrojtjen ndaj një infeksioni të rëndë”- thekson Rej.

Burimi i lajmit: https://www.scientificamerican.com/article/when-and-why-you-should-get-a-flu-shot/

Përshtati TIRANA TODAY

- Reklama -

Më shumë nga kategoria




Të fundit

Bie qeveria në Suedi/ Löfven, kryeministri i parë që rrëzohet nga parlamenti

Parlamenti i Suedisë ka mbështetur një votë mosbesimi ndaj kryeministrit të qendrës së majtë, Stefan Löfven. Ai bëhet kryeministri i parë që rrëzohet nga...

Teknologji/ Si transferohen numrat nga Android në iPhone shumë thjesht

Si transferohen numrat e regjistruar nga Androidi në iPhone duke përdorur një adresë e-maili në Google 1-Së pari sigurohu që kontaktet tuaja të jenë të...

Dorëheqja e Ruçit/ Zheji: E largoi Rama

Analisti i njohur, Artur Zheji deklaroi se kryeministri Edi Rama e largoi kryetarin e Kuvendit Gramoz Ruçi nga Partia Socialiste, për të patur një...

Bie miti: Sipas FBI-së edhe kriptomonedhat janë të identifikueshme

Javën e kaluar, Departamenti amerikan i Drejtësisë, njoftoi se kishte zbuluar dhe konfiskuar pothuajse gati të gjitha bitcoin-et që ishin paguar në formën e...

10 shprehje nga Servantes, që duhet t’i lexojmë të paktën një herë

"Mos u lut kurrë për diçka që ke mundësi ta fitosh". "Të vërtetën tërhiqe sa të duash, ajo kurrë nuk këputet dhe gjithmonë del mbi...