Kryeministrja e Serbisë, Ana Bërnabiç bëri një deklaratë të fortë. Bërnabiç deklaroi se puna si shefe e qeverisë ka dalë të jetë shumë më e vështirë se që e ka paramenduar ajo.
Në një intervistë të fundvitit për të përditshmen serbe “Politika”, Bërnabiç ka folur edhe për çështjen e Kosovës, anëtarësimin e vendit të saj në BE dhe ndërlidhjen e këtyre dyjave së bashku, transmeton Indeksonline.
“Rruga për në Bruksel përmes njohjes së Kosovës dhe sanksionet për Rusinë për ne janë krejtësisht çështje të mbyllura. BE është drejtimi ynë strategjik, por jo me çdo kusht”, ka thënë Bërnabiç. Ajo tha se Serbinë e sheh mirë dhe se e di çfarë duhet bërë. “Kam përkrahje të madhe nga Presidenti i Republikës”, tha ajo.
