Tuesday, May 17, 2022
21.5 C
Tirana

Kreu i Bashkisë së Nju Jorkut kërkon të paguhet me Bitcoin

Kryetari i zgjedhur i Bashkisë së Nju Jorkut, Eric Adams, ka në plan të konvertojë pagat e tij të para në Bitcoin, pasi ai u zotua të enjten për ta bërë qytetin më mikpritës ndaj kriptomonedhave. Adams njoftoi në një postim në Twitter se do të merrte tre pagat e para në Bitcoin kur të bëhej kryetar Bashkie. Adams po i përgjigjej kryebashkiakut të Majamit, Francis Suarez, i cili tha se do të marrë gjithashtu pagën e tij të ardhshme në Bitcoin.

Zëdhënësi i fushatës së Adams, Evan Thies më vonë sqaroi se kryebashkiaku i zgjedhur do ta konvertonte pagën e tij në Bitcoin përmes një shkëmbimi. Qytetit i mungon një mekanizëm për të nxjerrë paga në çdo gjë tjetër, përveç dollarëve amerikanë. Njoftimi ishte një deklaratë e qartë e mbështetjes politike për kripto, dhe pason vërejtjet që Adams bëri këtë javë duke treguar se ai dëshiron të tërheqë më shumë vende pune në kripto në Nju Jork, dhe ndoshta të krijojë një monedhë dixhitale për qytetin.

“NYC do të jetë qendra e industrisë së kriptomonedhave dhe industrive të tjera inovative me rritje të shpejtë!”, tha Adams të enjten. “Vetem prit!”. Dëshira e Adams për t’u paguar drejtpërdrejt në Bitcoin, nxori në pah një sërë shqetësimesh praktike rreth monedhës dixhitale.

Crypto ende përballet me pengesa të mëdha, si një mjet për pagesat e përditshme, pjesërisht sepse tatohet nga IRS si pronë. Ka gjithashtu pyetje se si një pagë e bazuar në Bitcoin do të lidhej me ligjet federale të punës. Është e paqartë se kush do të kontrollonte “portofolin” dixhital që qyteti do të duhej të përdorte për të paguar Adams.

“Thjesht po përpiqem të imagjinoj procesin për ta pastruar atë, për ta realizuar atë”, tha Stephen Palley, partner në firmën ligjore Anderson Kill. “Tingëllon si një makth”.

Suarez duartrokiti Adams për bashkimin me klubin e kryebashkiakëve të aftë për kripto.

“Urime për zgjedhjet dhe pres me padurim konkurrencën miqësore për t’i bërë qytetet tona përkatëse një kryeqytet kripto!”, tha Suarez në Twitter.

Burimi i lajmit: POLITICO. Përshtatur nga Tirana Today

- Reklama -

Më shumë nga kategoria




Të fundit

Kushi me përfaqësues të Bankës Botërore/Digjitalizimi siguron sistem të qëndrueshëm arsimor

Ministrja e Arsimit dhe Sportit, Evis Kushi, priti në një takim përfaqësuesit e Bankës Botërore në Shqipëri, z. Emanuel Salinas dhe z. Nalin Jena,...

Nga bananet tek qymyri, zbulohen 53 pako me lëndë narkotike në portin e Durrësit

Gjatë viteve të fundit, porti i Durrësit është kthyer në një "strehë" për trafikantët. Lënda narkotike shpesh fshihet në kamionët me banane. Por tashmë...

Pompeo nderohet me titullin “Honoris Causa”, përfaqësuesit e Berishës: Erdhi në këmbim të lekëve

Vizita e ish-Sekretarit të Trump, ka trazuar ujërat brenda "Foltores" së drejtuar nga ish-kryeministri Sali Berisha, ku kanë shpërthyer në akuza ndaj tij. Një ditë...

Vlorë/ Shkrumbohet mjeti në pronësi të një 58-vjeçari

Një automjet tip “Mercedes-Benz” është shkrumbuar plotësisht nga flakët rreth orës 02:35, në lagjen “Hajro Çakërri” në Vlorë. Burimet zyrtare të policisë bëjnë me dije...

Mot me diell, temperatura deri në 31 gradë celsius për sot

Vendi ynë gjatë paradites do të jetë në dominimin e kushteve të qëndrueshme atmosferike, duke bërë që kthjellimet të jenë mbizotëruese. Por në orët e...