Kosovë/ Jep dorëheqjen nga posti ministri i njohur shqiptar

Ministri në detyrë i Ekonomisë dhe Ambientit në Kosovë, Blerim Kuçi, ka dhënë dorëheqjen nga posti. Lajmin e ka konfirmuar zëdhënësja e Qeverisë, Antigona Baxhaku.

“Kryeministri ka pranuar një letër kërkesë nga Blerim Kuçi për lirim nga detyra”, ka thënë ajo për ‘Telegrafin’.

Blerim Kuçi kishte pranuar detyrën e Ministrit të Ekonomisë dhe Ambientit më 5 qershor 2020.

Në këtë post kishte ardhur pas formimit të Qeverisë Hoti, ku pjesë e koalicionit qeverisës ishte Aleanca për Ardhmërinë e Kosovës.