Kosova siguron 500 mijë vaksina nga Pfizer

Ministri i Shëndetësisë në Kosovë, Armend Zemaj, ka njoftuar se kanë siguruar 500 mijë vaksina anti-COVID nga Pfizer. Konfirmimin për sigurimin e këtyre vaksinave e kanë dhënë përfaqësuesit e Pfizer, gjatë një takimi virtual të mbajtur sot me ta.

Zemaj shprehet se Ministria e Shëndëtësisë, ka qenë e angazhuar prej muajsh në shumë drejtime për sigurimin e vaksinës kundër pandemisë, me qëllim të përmbushjes së detyrimeve që kanë ndaj qytetarëve.

Krahas kësaj, Kosova do të marr nga mekanizimi Covax edhe 360 000 vaksina falas për 20 për qind të popullatës.

Vaksinat do të sigurohen për të gjitha grupet e popullatës që duhet të mbulohen me vaksinim, sipas projeksioneve të IKSHPK-së. Vaksina kundër COVID-19, do t’u jepet falas të gjithë qytetarëve.

Njoftimi

Kosova siguron 500 000 vaksina anti COVID nga Pfizer.

Në kuadër të angazhimeve konkrete për sigurimin e vaksinave kundër COVID-19, dëshiroj të ndaj me qytetarët informatën se kemi siguruar 500 000 vaksina kundër kësaj sëmundje nga kompania Pfizer.

Konfirmimin për sigurimin e këtyre vaksinave na e kanë dhënë përfaqësuesit e Pfizer gjatë një takimi virtual të mbajtur sot me ta.

Siç e kemi bërë të ditur edhe më herët, MSh ka qenë e angazhuar prej muajsh në shumë drejtime për sigurimin e vaksinës kundër COVID-19, me qëllim të përmbushjes së obligimeve që kemi ndaj qytetarëve dhe ruajtjes së shëndetit publik të tyre.

Qeveria e Kosovës dhe Ministria e Shëndetësisë mbesin të përkushtuara që qytetarëve tanë t’u sigurojmë mbrojtje përmes vaksinimit gjithëpërfshirës kundër Covid-19.

Krahas kësaj, Kosova do të marr nga mekanizimi Covax edhe 360 000 vaksina falas për 20 për qind të popullatës.

Vaksina do të sigurohen për të gjitha grupet e popullatës që duhet të mbulohen me vaksinim sipas projeksioneve të IKSHPK-së.

Lexo edhe :   Drejtori i Pfizer: Mund të nevojitet një dozë e tretë e vaksinës anti-covid

Vaksina kundër COVID-19, do t’u jepet falas qytetarëve të vendit tonë.