E diel, 7 Mars, 2021
15 C
Tirana

“Kosova rrezikon përjashtimin nga aktivitetet ndërkombëtare”, Ujkani thirrje FFK

Kapiteni i Kosovës, Samir Ujkani u bën thirrje zyrtarëve të FFK-së të lënë mënjanë konfliktet e brendshme dhe të mendojnë për kualifikimin drejt EURO 2020.

Kjo thirrje e tij vjen si pasojë e lajmeve që qarkullonin ditën e sotme në media për rrezikun e përjashtimit të dardanëve nga aktivitetet ndërkombëtare të futbollit.

Kujtojmë se Kosova do të përballet me Maqedoninë më 26 mars të vitit të ardhshëm, për të fituar një vend në kampionatin evropian. Skuadra fituese e kësaj ndeshjeje do të përballet më pas me fituesen e sfidës Gjeorgji-Bjellorusi.

Letra e kapitenit të Kosovës Samir Ujkani drejtuar Federatës së Futbollit të Kosovës për rrezikun e përjashtimit nga aktivitetet ndërkombëtare të futbollit:

Të shqetësuar nga lajmet që kemi lexuar sot në media, jemi të detyruar të reagojmë ndaj një situate për të cilën jemi habitur që ndodh tani, pikërisht në kohën kur kemi nevojë për stabilitet dhe mbështetjen e të gjithëve.

Futbolli i Kosovës ka mbijetuar e është zhvilluar me sakrifica të skajshme të shumë e shumë brezave dhe vetëm të bashkuar kemi arritur deri këtu.

Rrugën nuk e kemi pasur të lehtë, jo vetëm ne brezi aktual i futbollistëve, por dhe ata që shtruan rrugën për ne deri këtu, prandaj pas gjithë këtyre sakrificave, nuk mund të lejojmë që për interesa personale të kujtdo qoftë, të rrezikohet një proces kaq i rëndësishëm siç është rrugëtimi drejt kampionatit europian.

Prandaj, në një situatë të tillë, u bëjmë thirrje të gjithëve që t’i lënë anash interesat personale dhe të rreshtohen pas nesh në qëllim për të realizuar ëndrrën, jo vetëm në aspektin sportiv, por dhe për të gjithë ata që gjatë këtyre dekadave kanë sakrifikuar për arritjen e këtij qëllimi; kualifikimit të Kosovës në një garë të madhe siç është kampionati europian. Si futbollistë, ne jemi në krah të pjesës institucionale të Federatës së Futbollit të Kosovës.

Me respekt, Samir Ujkani, kapiteni i Kombëtares së Kosovës në futboll

- Reklama -

Më shumë nga kategoria




Të fundit

Revoltat e dhunshme në Mianmar/ OKB: Ndaloni vrasjen e protestuesve

I dërguari i Kombeve të Bashkuara për Mianmar i ka bërë thirrje këshillit të sigurimit të KB të marrë masa kundër protestave të dhunshme,...

SHBA-ja lëshon alarm për sulm të ri kibernetik

Qeveria amerikane është duke bërë paralajmërime për sulme të mëdha kibernetike, të cilat mund të kenë shënjestruar serverët e kompanisë Microsoft, dhe të cilat...

Lum partitë për këtë popull që kanë

Nga: Mentor Kikia Ne nuk jemi vetëm në krizë pandemie, krizë ekonomike apo sociale. Ne jemi edhe në një krizë të thellë mendore si shoqëri...

Koronavirusi në vend/ 777 raste të reja dhe 21 viktima

Kurba e koronavirusit në Shqipëri mbetet e lartë, pasi në 24 orët e fundit janë regjistruar 777 raste të reja. Ndërkohë, 21 persona nuk kanë...

Milani kthen Ibrën në kombëtare, 39-vjeçari debuton në ndeshjen me Kosovën

Viti fantastik te Milani dhe fakti që është lideri i ecurisë së pabesueshme të kuqezinjve, ka bërë që Zlatan Ibrahimoviç të kthehet në Kombëtaren...