Tetë persona të tjerë kanë humbur jetën orët e fundit në Itali, si pasojë e koronavirusit vdekjeprurës.
Media italiane njoftojnë gjithashtu edhe për një rritje të konsiderueshme të numrit të personave të infektuar. Mësohet se mbi 1100 persona janë infektuar nga koronavirusi tashmë në shtetin fqinj.
Deri më tani numri total i viktimave të shkaktuara nga koronavirusi në Itali është 29. Sipas OBSH, më shumë se 85 mijë raste koronavirusi janë raportuar në 57 shtete të botës dhe numri i viktimave ka shkuar në rreth 3 mijë. Pjesa më e madhe e infektimeve dhe viktimave në Kinë, ku edhe virusi e ka origjinën.