“Koronavirusi është një mashtrim”/ Gjuzi: Ja pse i vendosi Rama masat shtrënguese

Deputeti Kujtim Gjuzi është shprehur se kryeministri Edi Rama ka shkelur ligjin për 44 ditë, lidhur me masat e ndërmarra për frenimin e pandemisë.

I ftuar në emisionin “Shqipëria Live”, Gjuzi deklaron se COVID-19 është një mashtrim dhe këtë sipas tij e thonë edhe mjekë të njohur.

Sipas Gjuzit, Rama ka marrë masa kaq të shtrënguara sepse “është një frikaman dhe merakoset për shëndetin e tij”.

“Unë dua të them se kryeministri Rama ka shkelur ligjin për 44 ditë, sepse e ka vendosur vendin në një karantinë të jashtëligjshme. Ai mendon se është babai i kombit, por nuk është. Ai ta ketë të qartë se nuk mund të ketë koronavirus vetëm në ato fasha orare, që ka vënë ai. Shqipëria ka 365 ditë me diell, atje ku hyn dielli, s’ka virus. U bëj thirrje qytetarëve të mos e dëgjojnë dhe të dalin, sepse s’ka koronavirus me orare. Kryeministri është një frikaman, uroj të jetë mirë, ka frikën e vet dhe e futi një qytetërim social në kaos. Kjo (koronavirusi) është një mashtrim dhe e thonë mjekë të njohur”, tha ai.