Dy trashëgimtaret e “Top Channel” kanë dhënë lajmin e madh se do të ketë një sezon të dytë me “Big Brother VIP”. Të ftuara në “Pardon my French” të Top Albania Radio ishin të ftuara motrat Lori dhe Sara Hoxha, producente te “Big Brother VIP”.
Lori ka folur për suksesin e formatit, ndërsa është surprizuar me sa impakt ka patur në publik.
“Ky ishte qëllimi i “Big Brother Vip Albania”, që të lëmë çdo hall dhe për disa orë të merremi me diçka që na relakson. Unë kisha një pritshmëri të mirë, pasi ky format gjithnjë ka patur sukses, por ka qenë habi e madhe si është pritur dhe sa impakt ka patur në publik. Kam kuptuar që njerëzit i kishte marrë malli për një “Big Brother Vip” të tillë.
Sara Hoxha ka treguar se fansat janë apasionuar që javën e parë me “Big Brother”. “Është dhe koncepti VIP-a, pasi që javën e parë ti fillon krijon një afrimitet me dikë që e njihje edhe më parë, fansat janë apasionuar që javën e parë, që muajin e parë”.
Pa mbaruar sezoni i parë, motrat Hoxha konfirmojnë sezonin e dytë të formatit, i cili bëri shumë bujë në vendin tonë.
“Do të kemi. Gjëra për të rregulluar ka gjithmonë, por mendoj se ka shkuar mirë. Jemi shumë të lumtura me suksesin e “Big Brother Vip Albania”.