Politikë

Kriza politike, Kokëdhima flet pas takimit me Metën

               Publikuar në : 13:43 - 13/06/19 S.N

Kreu i partisë “Zgjidhja”, Koço Kokëdhima ka folur për mediat, pas takimit me presidentin Meta. Ai tha se aktualisht nuk është e rëndësishme thjesht të vihet një datë zgjedhjesh, por duhet garantuar që këto zgjedhje të jenë demokratike.

Më tej, Kokëdhima bëri thirrje për reflektim dhe marrëveshje nga të gjitha palët, në mënyrë që të mos dëmtohet dhe rrugëtimi i Shqipërisë drejt BE-së dhe të mos ndahet nga Maqedonia e Veriut.

“Situata duhet çtensionuar, duhet t’i hapet rrugë dialogut dhe duhet që të jemi shumë seriozë në vlerësimin e rreziqeve që ka vendi ynë. Është e rëndësishme që Shqipëria të mos ndahet nga Maqedonia në procesin e integrimit.

Dua të konfirmoj që nuk është thelbësore thjesht një datë e re zgjedhjesh, thelbësore është të shkojmë në zgjedhje demokratike. Të gjitha palët duhet të reflektojnë dhe t’i hapet rruga një marrëveshje kombëtare që të demokratizohen zgjedhjet dhe t’i kthehet sovraniteti popullit e t’i jepet fund krizës”, tha Kokëdhima.

Kthehu
WhatsApp Denonco ne TT