Një komb i tërë po lufton për të parandaluar përhapjen e koronavirusit. Deri tani janë mbi 45 mijë vetë që marrin shërbim mjekësor, pasi janë të prekur nga virusi kinez. Përpos shifrave alarmante të vdekjeve, Kina po vuan edhe një problem tjetër: mungesën e personelit mjekësor për të përballuar numrat në rritje.
CNN raporton se deri tani mbi 1700 mjekë janë infektuar nga virusi teksa kanë qenë duke u shërbyer pacientëve qoftë nëpër spitale apo në terren.
Të gjithë mjekët e angazhuar kanë punuar me përkushtim deri në vetëmohim. CNN ka intervistuar një prej infermiereve Ning Zhu, e cila shpreh keqardhjen e saj për situatën. Megjithëse e lodhur fizikisht dhe rrezikon jetën, ajo nuk është e shqetësuar për veten, por për njerëzit të cilët janë të ngujuar nëpër shtëpia prej virusit dhe s’mund të kenë kujdes mjekësor.
“Ky është problem. Në spitalin tonë mbi 100 mjekë dhe infermierë janë diagnostifikuar si të prekur na koronavirusi dhe do të jemi në izolim. Jemi në pritje të testeve përfundimtare. Nëse ato dalin negative do të kthehem menjëherë në terren”, tha ajo në një bisedë telefonike me gazetarin e CNN.
Denonco ne TT