Kina ‘godet’ sërish, virusi i ‘miut’ alarmon shkencëtarët

Në kohën kur e gjithë bota është në kolaps prej pandemisë së koronavirusit, nga Kina që është edhe vendi i origjinës, vjen një tjetër alarm. Shkencëtarët janë alarmuar nga virusi i “miut”. Është një formë e hapatitit E, por që ekspertët besojnë se preken vetëm minjtë. Pacienti zero është një burrë 56-vjeçar, i cili doli pozitiv me hapatitin e “miut”, pasi iu nënshtrua një lloj testi të veçantë.

Vetëm dy vite më vonë, të paktën 10 persona të tjerë janë infektuar në qytetin e Hong Kongut dhe ekspertët nuk e përjashtojnë mundësinë që mund të ketë pasur edhe raste të tjera që kanë kaluar pa u vënë re.

Rasti më i fundit u shënua një javë më parë, një 61-vjeçar, i cili doli pozitiv me hepatit, raporton gazeta “Shqip”.

Po çfarë pasojash shkakton virusi i miut? Ky virus shkakton temperaturë të lartë, mëlçi të dëmtuar dhe verdhëz. Personat e infektuar nga hepatiti E, tregojnë simptoma shumë të lehta e të papërfillshme dhe kjo është arsyeja se pse ata nuk janë shtruar në spital.

Studiuesi Siddharth Sridhar, zbuloi se virusi transmetohet nga minjtë tek njerëzit. Ai tha se ky virus nuk është i ri, pasi mund të ketë qarkulluar gjatë viteve 2017-2018.

“Mendimi im është se një gjë e tillë ka ndodhur edhe më parë, gjatë viteve 2017-2018, s’mund të jetë hera e parë që kjo të ketë ndodhur në botë”, tha Sridhar.

Sipas tij, të kthehesh në origjinën e infeksionit është shumë e vështirë, pasi OBSH mendon se hapatiti E në përgjithësi transmetohet përmes ujit të kontaminuar. Dy vjet pas zbulimit të rastit të parë, studiuesit ende nuk e kanë kuptuar rrugën e saktë të transmetimit. Studiuesi Siddharth Sridhar tha me siguri se minjtë e Hong Kongut janë bartës të virusit.

Lexo edhe :   Koronavirusi/ 89 raste të reja, ulet ndjeshëm numri i të shtruarve në spitale

“Ajo që dimë deri tani është se minjtë e Hong Kongut janë bartës të virusit. Ne i kemi testuar njerëzit, dhe kemi zbuluar patogjenin. Megjithatë, ende nuk e dimë se si realizohet infektimi nga minjtë tek njerëzit, ndoshta përmes ushqimit  ose nëpërmjet një kafshe tjetër që vepron si një rrugë lidhëse nga minjtë tek njerëzit. Por deri tani ne nuk e kemi mësuar një gjë të tillë, dhe kjo është lidhja që mungon”, u shpreh më tej ai.