Kim: SHBA mbështet përpjekjet për përmirësimin e qeverisjes dhe konkurencës

Ambasadorja e SHBA-vë në vendin tonë, Yuri Kim ka zhvilluar një bisedë  me drejtorin e ri të Bankës Evropiane për Rindërtim dhe Zhvillim, Matteo Colangeli.

Kim u shpreh se në Shqipëri, BERZH ka investuar gjithsej 1.5 miliardë €, përfshirë 854 milionë në projekte aktuale.

Ndër të tjera, Kim shtoi se SHBA mbështet përpjekjet për përmirësimin e qeverisjes dhe konkurencës në vend.

”Diskutim i mirë sot me M.Colangeli, drejtori i ri për B.Perëndimor i BERZH. SHBA janë aksioneri më i madh i BERZH, themeluar në 15/4/91 për të ndihmuar ish vendet komuniste në rindërtim. Në Shqipëri, BERZH ka investuar gjithsej 1.5 miliardë €, përfshirë 854 milionë€ në projekte aktuale. SHBA mbështesin fuqimisht përpjekjet për përmirësimin e qeverisjes & konkurencës në Shqipëri; fuqizimin e zgjerimit të energjisë & nxitjen e integrimit rajonal të Ballkanit Perëndimor”, shkruan Kim në rrjetin social, Twitter.