Kim Jong-un ka vdekur? Profesori nga Pekini lëshon deklaratën e fortë

Pak ditë më parë u raportua se Kim Jong-un i është nënshtuar një operacioni në zemër. Të njëjtat burime raportuan se lideri i Koresë së Veriut, Kim Jong-Un është jashtë rrezikut për jetën dhe po rikuperohet në një vilë afër spitalit. E ndërsa dje mediat e huaja kanë shkruar se sipas një profesori të politikës ndërkombëtare në Universitetin e Pekinit, Francesco Sisci, Kim Jong-un mund të ketë vdekur.

Të gjitha këto aludime vijnë pas lajmeve se lideri i Koresë së Veriut, më 12 prill i është nënshtruar një operacioni, pas një ataku në zemër.

“Udhëheqësi i Koresë së Veriut, Kim Jong-un tashmë mund të jetë i vdekur”, ka deklaruar profesori agjencisë Adnkronos. Kur është pyetur se a pritet një njoftim zyrtar nga Pyongyang, ai nuk ka dhënë një afat kohor. “Askush nuk e di, mund të duhen ditë, por edhe muaj”.

Nëse ky lajm është i vërtetë, me mjaft interes do të ishte se kush do të merrte pushtetin. Emri i vetëm dhe më i besueshëm që mund të zëvendësojë Kim është motra e tij. “Motra, Kim Yo Jong, është kandidatja kryesore, por ajo është shumë e re dhe është grua”, ka thënë Sisci.

Kina ka dërguar një ekip me ekspertë mjekësorë në Korenë e Veriut, për të këshilluar mjekët atje lidhur me kurimin e udhëheqësit Kim Jong-un. Nga mediat atje, nuk ka asnjë informacion se si është gjendja e tij mjekësore.