Për rreth nëntë muaj nuk dihej asgjë për fatin e biznesmenit italian Davide Pecorelli. Makina e djegur e më pas eshtrat e gjetura, hodhën hije dyshimi se atë e kishin vrarë. Nga ana tjetër, familja mbetej me shpresë se kjo nuk ishte e vërtetë dhe se ai mund të ishte gjallë. Deklarimet e dhëna para hetuesve, kanë hedhur dritë mbi ngjarjen e cila të ngjason me ato të filmave. Biznesmeni italian, Davide Pecorelli, për disa muaj kishte qëndruar në një komunitet murgjërish, në Medjugorie, në Bosnjë Hercegovinë.
Davide kishte qenë “në një komunitet priftërinjsh pranë Medjugorie”, në sajë të ndihmës së një prifti katolik të njohur në Shqipëri.
Ai po kërkonte një thesar monedhash. “Vendosa të zhdukem, sepse u mposhta nga problemet ekonomike. Unë jam praktikisht i shkatërruar”, ka thënë ai gjatë tre orëve dëshmi me kryeprokurorin Raffaele Cantone dhe me zëvendësuesin Giuseppe Petrazzini.
“Në tetor do të kthehesha në shtëpi”, shpjegoi ai, por ‘incidenti’ që i ndodhi, e bëri atë të demaskohet para kohe, duke u detyruar që të zbulojë arsyen e kërkimit të tij në ishullin e thesarit të fshehur. Pas largimit nga zyra e prokurorit në Perugia, Pecorelli, 45-vjeç, një sipërmarrës në fushën e produkteve të parukerisë, nuk u shpëtoi gazetarëve.
“Anëtarët e familjes sime nuk e dinin se ku isha, dhe arsyeja e zhdukjes sime sigurisht nuk ishte mbledhja e sigurimit. Unë kam qenë një sipërmarrës për 30 vjet”. “Prokurori i Kantonit dhe Dr. Petrazzini – shtoi ai – kanë marrë parasysh krimet që kam kryer gjithashtu në Shqipëri”.
“Nuk kisha asgjë për të fshehur,” u ka thënë ai gazetarëve.
Pecorelli pranoi për gazetarët italianë se është i vetëdijshëm që edhe në Shqipëri ka kryer vepër penale, pasi i vendosi zjarrin makinës që kishte marrë me qira, dhe brenda mjetit u gjetën mbetje kockore. Këto mbetje nuk janë identifikuar ende kujt i përkasin, por dyshohet se janë marrë nga një varr i vjetër në Pukë.
Autoritetet po verifikojnë djegien e makinës së marrë me qira, brenda të cilët ishin futur disa eshtra njerëzore, që dyshohet se janë marrë nga një varrezë në këtë zonë. Një tjetër akuzë është dhe kalimi i paligjshëm i kufirit, për shkak se ai u largua ilegalisht nga Hani i Hotit për në Mal të Zi dhe më pas në Itali. Kompania e tij e produkteve kozmetike u mbyll, për shkak të pandemisë dhe italiani u tha miqve të tij se do të zhvendosej në Shqipëri, me qëllim gjetjen e një tregu të ri.
Burimi i lajmit: lanazione. Përshtatur nga Tirana Today