E shtunë, 23 Janar, 2021
9 C
Tirana

Kanye West tërhiqet nga gara për president të SHBA (FOTO)

Kanye West thuhet se ka braktisur garën presidenciale, më pak se dy javë pasi njoftoi synimin e tij për Shtëpinë e Bardhë. Reperi i cili është një mbështetës i Donald Trump, më herët gjatë këtij muaji tha përmes një postimi në Twitter se do të kandidojë në zgjedhjet presidenciale.

Sipas një raporti të ri nga Intelligencer, një “specialist i sigurimit të votave” i quajtur Steve Kramer pretendon se West është tashmë “jashtë gare”, pasi themeluesi i Yeezy-t kishte punësuar 180 njerëz staf, me pagesë dhe vullnetarë, për ta ndihmuar atë të sigurojë firmat e nevojshme.

Kramer ishte një nga punonjësit e fushatës së punësuar nga West, që do ta ndihmonte atë për ta çuar emrin në fletëvotimin në Florida, Karolinën e Jugut dhe shtetet e tjera. Specialisti pretendon se kishte “mbështetje të madhe” për ta dërguar reperin drejt votimeve. Por i pyetur pse West po e braktiste garën e tij presidenciale, Kramer nuk dha shumë sqarime:

“Unë do t’ju njoftoj për atë që di, pasi të anuloj të gjitha gjërat tona”. Një burim i veçantë, i cili mbetet anonim, pohoi se njerëzit e punësuar do të paguheshin 5.000 dollarë për të ndihmuar West të mblidhte nënshkrime në Florida, për të përmbushur afatin e votimit të 15 korrikut.

Reperit i duheshin 132.781 nënshkrime të vlefshme nga votuesit në Florida, në më pak se një javë. Një sondazh kombëtar tregoi se vetëm 2% e votuesve ishin duke menduar të zgjidhnin Kanye-n në zgjedhjet e nëntorit.

Reperi njoftoi planet e tij për të kandiduar për president më 4 korrik, dhe mesa duket ëndrra e tij e madhe zgjati vetëm 11 ditë. Aktualisht pritet që ai të njoftojë personalisht tërheqjen nga gara.

Pak ditë më parë u raportua në mediat e huaja se reperi Kanye West, ka shfaqur probleme bipolariteti. Burime pranë reperit tregoi për TMZ, se këto probleme mund të kenë ndikuar te fjalimet e fundit që Kanye ka bërë.

Në një intervistë të dhënë në vitin 2018 për TMZ, Kanye West pranoi se nuk merr mjekime për sëmundjen e tij, sepse ato ndrydhnin kreativitetin e tij.

- Reklama -

Më shumë nga kategoria




Të fundit

E trishtë/ Ndërron jetë në moshën 35-vjeçare ish-sulmuesi

Ish-sulmuesi xhamajkan, Luton Shelton ka ndërruar jetë në moshën 35-vjeçare, për shkak të një sëmundje. Shelton ishte diagnostikuar në vitin 2018 me sëmundjen “ALS”, e...

Berlini përgatitet për konsultime me administratën Biden

Lehtësimi i jashtëzakonshëm u shpreh në Gjermani që kur Joe Bideni i fitoi zgjedhjet presidenciale. Kurse të mërkurën (20.01.), kancelarja Angela Merkel i shkroi...

Samsung u ngrit si një dyqan që shiste perime, dhe kuriozitete që nuk i dinit

Sistemi ligjor i Japonisë ka një normë dënimi prej 99 për qind. Peshkimi mbetet profesioni i dytë më i rrezikshëm i Shteteve të Bashkuara, pas...

Analisti: Basha do ketë Tiranën, ja kush do jetë drejtuesi i PD në Gjirokastër

Partia Demokratike ka emëruar drejtuesit politik në pjesën më të madhe të qarqeve, ndërkohë që janë ende për t’u zbuluar se cilët do të...

A do jetë sërish kandidat për deputet? Ja si përgjigjet Ervin Salianji

Ervin Salianji është shprehur se ekziston mundësia që ai të jetë kandidat për deputet në listën e Partisë Demokratike. I ftuar në “Zonë e lirë”,...