Koalicioni PAN do të kandidojë për kryetar të Kuvendit të Kosovës kryetarin e PDK-së, Kadri Veselin.
Këtë e konfirmoi nënkryetari i partisë Demokratike të Kosovës (PDK), Rexhep Hoti, i cili ka thënë në RTK se shpejtë do të fillojë edhe “procesi i zgjedhjes së organeve të shtetit”.
Hoti është shprehur i bindur se Veseli do të marrë 61 vota të deputetëve të Kuvendit të Kosovës, për shkak se sipas tij, konstituimi i Kuvendit të Kosovës bëhet për deputetët e të gjitha partive, dhe jo për Qeverinë.
“Kandidat për kryetar të Kuvendit të Kosovës do të jetë sërish Kadri Veseli. Nuk do ta ketë të vështirë ti merr 61 vota. Kuvendi i Kosovës konstituohet për të gjithë deputetët e Kuvendit të Kosovës, e jo për qeverinë”, deklaroi Hoti.
Sipas tij, nëse do të votonin qeverinë e koalicionit PDK-AAK-NISMA, “opozita nuk do të gabonte”. Ndërsa, ka shtuar se minoritetet do të jenë pjesë e inoistucioneve.
Kadri Veseli edhe në legjislaturën e kaluar ka udhëhequr organin më të lartë të shtetit.
