Aktorja e njohur, Monika Lubonja, është një ndër pretendentët që synojnë finalen e BBV. Gjatë qëndrimit në shtëpi, ajo ka ndarë herë pas here pjesë nga e shkuara e saj. Ajo ka treguar më parë se ngeli shtatzënë me Tean, kur ishte duke ndjekur studimet dhe donte ta abortonte vajzën, por ishte ish-bashkëshorti ai që e ndaloi. Ndër të tjera Monika zbuloi se ish-bashkëshorti e ka tradhtuar.
Por kjo temë është rikthyer sërish në fokus. Teksa bisedonte me Egzonën, aktorja Monika Lubonja ka treguar momentet e përjetuara pas divorcit të saj, të cilën e ka përshkruar si një ferr.
“Kam kaluar shumë o shpirt. Nuk di ti ndaj vështirësitë e mia. Momenti pas divorcit, ka qenë një ferr i vërtetë, as e mendoja kurrë që gjërat do të shkonin ashtu”, u shpreh aktorja.
E pyetur nga Egzona se pse nuk u martua prapë, ajo tha se nuk donte t’i sillte Teas dikë tjetër.
“Doja ta rrisja Tean me atë mënyrën time”, tha Monika, e cila shtoi se iu përkushtua shumë edhe punës.
Ndërkohë kujtojmë se Monika është një nga të nominuarat për të dalë nga shtëpia e “Big Brother VIP”. Në këtë televotim, ajo është me Arbërin dhe njëri prej tyre pritet të dalë në spektaklin e të martës.
