Juventusit i hiqet fitorja ndaj Napolit, ndryshon renditja e Seria A

Napoli ka fituar çështjen e ndeshjes së humbur 3-0 në tavolinë kundër Juventusit.

Gjykata e Apelit vendosi që sfida e paluajtur e 4 tetorit të Serisë A të riluhet si dhe Napolit t’i kthehet mbrapsht pika e hequr.

Në këtë mënyrë, Juventusit i zbriten 3 pikët e dhënë në tavolinë nga Gjykata Sportive Italiane dhe ajo e Apelit në Federatën Italiane të futbollit.

Në 4 tetor, Napoli refuzoi të udhëtonte drejt Torinos për të zhvilluar ndeshjen me Juventusin pasi lojtarët Insinje, Milik ishin infektuar me ‘COVID’-i. Juventusi zbriti në fushë sipas protokollit dhe më pas bardhezinjve iu akorduan 3 pikë në tavolinë, kurse Napolit iu zbrit një.