Sot është firmosur marrëveshja mes Kosovës dhe Shqipërisë, për të ngritur një fond ndërshtetëror për mbështetjen financiare të Luginës së Preshevës. Në takimin e përbashkët mes dy qeverive shqiptare, në Pallatin e Kongreseve, ministrat kanë firmosur marrëveshjen për të mbështetur financiarisht Luginën.
Ministri i Jashtëm i Deleguar i Shqipërisë, Gent Cakaj, shprehet me anë të një statusi në Facebook se kjo çfarë po ndodh është e mrekullueshme. Ai shkruan se mbështetja për Luginën e Preshevës do vijojë të jetë e pakursyer.
Statusi
Kjo është thjesht e mrekullueshme :
Republika e Kosovës dhe Republika e Shqipërisë janë marrë vesh për kryerjen e menjëhershme të të gjitha punëve teknike për të ngritur fondin ndërshtetëror për mbështetjen financiare të Luginës së Preshevës!
Të mbahet parasysh: asgjë nuk përfundon këtu. Mbështetja jonë për Luginën e Preshevës dhe ngritja e çështjeve të shqiptarëve atje, do të vazhdojë pakursyer e në çdo rrafsh të mundshëm.
Kjo është thjesht e mrekullueshme 😊: Republika e Kosovës dhe Republika e Shqipërisë janë marrë vesh për kryerjen e…
Publiée par Gent Cakaj sur Vendredi 2 octobre 2020
