Aktualitet

Iu gjetën armë dhe kokainë, si u zbulua shqiptari në Itali. Ja ku e kishte fshehur drogën (Emri)


               Publikuar në : 17:23 - 12/07/19 Enno

Një 38-vjeçar shqiptar është arrestuar nga policia italiane, i cili kishte fshehur në makinë një kilogram kokainë.

Bëhet fjalë për Emiliano Keçin, ku kishte marrë një apartament me qira në Seriate, një komunë në Bergamo të Italisë.

Rreth banesës kishte shumë lëvizje të dyshimta dhe karabinierët mbajtën nën vëzhgim hyrjet dhe daljet e çuditshme derisa, të mërkurën më 10 korrik, ata bllokuan qiramarrësin teksa ndodhej në makinën e tij.

Sipas mediave vendase, gjatë kontrollit të ushtruar në banesën e tij nga autoritetet, karabinierët gjetën 18 kg kokainë (të fshehura edhe në frigorifer), tetë prej të cilave hashash, katër marijuanë dhe dhjetë gram heroinë. Vlera e drogës arrinte rreth 3 milionë euro.

Po ashtu, shqiptarit iu gjetën edhe tre armë: një Beretta 6.35 me silenciator, fshehur në krevatin e dhomës së gjumit, gati për përdorim), një Tokarev 7.62, e prodhimit rus dhe një pistoletë bosh.

Ndërkohë, Policia italiane po punon për të zbuluar origjinën e drogës si dhe destinacionin e saj.

Kthehu
WhatsApp Denonco ne TT