Për të dytin vit me radhë, degët e informatikës dhe inxhinierisë janë zgjedhja kryesore e maturantëve shqiptarë. Sipas të dhënave të Rrjetit Akademik Shqiptar, mbi 30% e aplikantëve kanë kërkuar një vend në këto programe, duke lënë pas edhe degë tradicionalisht të forta si mjekësia apo ekonomiku.
Ndërkohë, degët e mësuesisë mbeten më pak të preferuara, me rreth 1,500 aplikime, njësoj si vitet e kaluara.
Pas përfundimit të konkurseve në programe me kritere ekstra – si Mjekësia e Përgjithshme, Arkitektura, Artet dhe Sportet – universitetet do të përgatisin listat përfundimtare të fituesve. Regjistrimet pritet të nisin në fund të gushtit
Këtë vit, mbi 20,200 maturantë kanë aplikuar për studime të larta, një numër më i madh se vjet. Shumica kanë zgjedhur universitetet publike (70%), ndërsa 30% janë drejtuar tek institucionet private.
