Ekonomi

INSTAT: 1.2 mln shqiptarë numërohen si të punësuar. Më pak se gjysma marrin pagë

               Publikuar në : 15:30 - 03/05/19 Enno

Instituti i Statistikave deklaron se në Shqipëri janë të punësuar 1 milion e 230 mijë persona, ndërsa të punësuar me pagë rezultojnë të jenë  44.5% e tyre, pasi 34% është e vetëpunësuar dhe 21.6% janë punëtorë pa pagesë në aktivitetin e familjes.

Nga të dhënat e anketuarve rezulton se 28.7% e grave të punësuara dhe 15.9% e burrave të punësuar janë punëtorë pa pagesë të familjes.

Kjo tregon se gratë kanë 1.8 herë më shumë shanse sesa burrat për të qenë punëtorë pa pagesë në biznesin e familjes.

Në vitin 2018, 31.7% e popullsisë 15-64 vjeç janë joaktiv ekonomikisht në tregun e punës, ndërsa mbi një e treta e pjesës tjetër janë studentë.

Duke iu referuar shifrave të INSTAT-it, ajo që tërheq vëmendjen është së Shqipëria vijon e mbetet një vend i lidhur fort me bujqësinë, ku të punësuar janë 37.4% e popullsisë.

Kthehu
WhatsApp Denonco ne TT