Ekonomi

Inspektimi në Himarë/ Kapet me faturë false, Tatimet gjobitin biznesin

               Publikuar në : 14:31 - 07/08/19 Enno

Ministrja e Financave dhe e Ekonomisë, Anila Denaj ishte prezente gjatë ditës së sotme në zonën e Himarës në kuadër të aksionit kundër informalitetit.

Denaj u shpreh se bizneset janë në monitorim në të gjithë vendin dhe se ky aksion nuk do të kursejë asnjë abuzues.

Gjatë kontrollit, një biznes u gjobit pasi kishte ‘shpikur’ një faturë tatimore me qëllim për t’i shpëtuar deklarimit të saktë të xhirove dhe fitimeve.

Në fakt ne sot erdhëm këtu edhe për një denoncim të një qytetari, i cili dërgoi një faturë jo tatimore në rrjetet sociale. Dërgoi një faturë jo tatimore në celularin tim, duke denoncuar ekzistencën e paligjshmërisë në një nga restorantet më të shtrenjta të kësaj zone dhe ku ju do ta shikoni sepse dhe çmimet janë të krahasueshme më lartë se sa tregu. Kjo është një çështje e modelit të biznesit, i cili për sa kohë ka një klientelë është shumë mirë, por sidomos për këto biznese është shumë e rëndësishme të fusin në konsideratë që kjo faturë nuk duhet të ekzistojë.

Fatura e cila është dhe në gjuhë të huaj, pra nuk është një faturë as e prodhuar në Shqipëri, ka çmime përtej artikujve dhe argumenti i menaxherit të restorantit, i cili thotë që përdoret për menaxhim të brendshëm, nuk është një argument i cili pranohet, jo vetëm nga rregullat por edhe nga fakti që fatura e denoncuar është me çmime dhe qytetari ka denoncuar faktin që nuk ju soll kuponi tatimor” deklaroi Denaj.

Ministrja Denaj ftoi qytetarët që të denoncojnë çdo rast të paligjshmërisë  së subjekteve, të cilët nuk lëshojnë kupon tatimor.

Kthehu
WhatsApp Denonco ne TT