Debati që ka përfshirë ditët e fundit Ilda Bejlerin dhe Mustafa Nanon ka vijuar pasditen e sotme me reagimin e ashpër të moderatores së Digitalb.
Pasi Nano i kërkoi ndjesë publike që i përmendi emrin Ildës nga studio e “Zonë e lirë” të premten në mbrëmje, duke sqaruar se nuk ka asgjë personale me të, por me fenomenin e zhveshjes në përgjithësi të moderatoreve shqiptare, Ilda vendos të reagojë publikisht përmes një videoje që ka postuar nga Instagrami i saj.
Disa ditë më parë, e ftuar në Wake Up për të folur për “Rikthimin e dallëndysheve”, Ilda nuk shpëtoi pa u ngacmuar edhe për kritikat e veshjes. Prej andej, ajo tha se edhe moderatoret në Itali kanë të njëjtin stil të veshuri në studio, madje janë më shumë të zhveshura. Në këtë mënyrë, ajo la të kuptohet se kritika e Nanos është krejtësisht e pavend, ndaj edhe me reagimin e fundit, duke postuar një video nga një program sportiv italian, i cili drejtohet nga një moderatore e veshur me fustan të shkurtër dhe dekolte të theksuar, Ilda i kundërvihet Nanos-shkruan revista Class.
“Ndjesë që nuk kam reaguar më parë, por kam qenë e impenjuar në një projekt shumë domethënës për shqiptarët. “Rikthimi i Dallëndysheve”, që kishte për qëllim rikthimin e talenteve që na bëjnë krenarë jashtë Shqipërisë dhe nuk doja të njollosja këtë super event me “llumin” e opinionistëve që na rrethojnë. Ndoshta kjo është një nga arsyet që “dallëndyshet” kanë vendosur të shtegtojnë larg, sepse vlerat në këtë vend nuk përfillen dhe të eturit për vëmendje bëjnë gjithçka për të dalë në sipërfaqe, madje duke shkelur dhe mbi identitetin e kujtdo, për më tepër duke dale dhe kundër një ish-studenteje që është diplomuar për gazetari.”
Mendoj që “policin” e minifundit dhe dekoltesë ta dërgojmë dhe në Itali:), se mbase aty gjen paqe. Tani që po qëndroj në dhomën time, pyes veten: Imagjino të kishte gjoks vetë ky polici? Çfarë do ishte vallë? Dhe çfarë do bënte për 5 min “famë”.
Emisionin ia mbani mend, besoj! Ne çfarë ore dhe ku transmetohet..:))
