E shtunë, 23 Janar, 2021
10 C
Tirana

I shtoi 20 vota PDIU-së, dënohet pas 3 vitesh numëruesja e votave në Kavajë

Tre vjet pas përfundimit të zgjedhjeve Gjykata e Kavajës ka përfunduar në qershor pa shumë zhurmë një prej çështjeve të ngritura pas denoncimit të KQZ-së për disa anëtarë komisionesh e numërues votash të cilët akuzohen për “falsifikim të rezultatit të zgjedhjeve”.

Procesi që zgjati nga korriku 2017 deri në qershor 2020, u mbyll me gjetjen fajtorë të Mediola Veliut, e cila u dënua me tre vjet burg, që u konvertua në shërbim prove. Veliu ishte një prej katër anëtareve të grupit të numërimit të votave dhe përfaqësonte Partinë për Drejtësi Integrim dhe Unitet.

Numëruesit Aldo Duro i PS, Arnold Kariqin e PD, Rexhep Verria i LSI u shpallën të pafajshëm, ndërsa në vendim del se ata ia kishin ngarkuar përgjegjësinë Veliut, e cila kishte pasur për detyrë tabelimin e rezultateve dhe pretenduan se kishin firmosur në mirëbesim.

Në vendimin e gjykatës shpjegohet se në tre kuti votimi të numëruara nga katër personat më sipër ishin shtuar 20 vota për PDIU sipas rinumërimit nga KQZ, ndërsa ndryshimi për partitë e tjera ishte me vetëm një votë. Gjykata arsyetoi se Veliu duke qenë përfaqësuese e kësaj force dhe personi që kishte tabeluar rezultatet, ishte e vetmja që kishte përgjegjësi.

“Sa më sipër gjykata vlerëson se provohet se e pandehura Mediola Veliu ka pasur si synim falsifikimin e rezultatit zgjedhor nëpërmjet paraqitjes në tabelat e numërimit të të dhënave të pavërteta që favorizonin subjektin interesat e të cilës ajo mbronte. Ndërsa të pandehurit e tjerë Rexhep Verria, Arnold Kariqi dhe Aldo Duro, në kushtet e mirëbesimit kanë nënshkruar tabelat zgjedhore, të përpiluara prej saj”, thuhet në vendim.

Gjykata më pas ka vendosur të pezullojë vendimin për Veliun dhe ta vendosë atë në shërbim prove për 24 muaj.

Kjo çështje penale ku nda në dy pjesë dhe se momentalisht në gjykatën e Kavajës vijon të jetë në gjykim e sipër dosja për të pandehurit Flamur Lika, Fatmir Bakalli, Ylli Thartori dhe Adriatik Kasa, një grup tjetër numërimi.

Lexo edhe :   Disiplina pezullon me dy ndeshje trajnerin e Bylisit, dënohet edhe Partizani

Për ironi hetimet filluan pas denoncimit në KQZ të PDIU e cila humbi vetëm për pak vota një mandat deputeti në Tiranë. Rinumërimi nga KQZ në mbi 60 kuti që i përkisnin Tiranës si zonë zgjedhore zbuloi se disa dhjetra vota në tabelat e rezultateve nuk përkonin me votat në kuti. Ajo kallëzoi penalisht 76 komisionerë e numërues, por çështja shkoi në gjykim vetëm për dy grupe të numërimit.

Rasti megjithatë prek vetëm sipërfaqësisht dyshimet e shumta të ngritura për zgjedhjet e vitit 2017, të cilat opozita i konsideron të manipuluara. Një sërë përgjimesh në një hetim kundër trafikut të drogës, si pjesë e të ashtuquajturës “Dosja 339” zbuluan përfshirjen e një grupi të dyshuar kriminal në manipulimin e zgjedhjeve në zonën e Durrësit në favor të shumicës soicialiste.

Lexo edhe :   Ish-komandanti i ushtrisë boshnjake dënohet për krime lufte

Në janar 2019, një investigim i BIRN zbuloi atë që u quajt “maja e ajsbergut” në manipulimet zgjedhore, si dhe kontaktet e ngushta mes zyrtarëve socialistë si ish-kryebashkiaku i Durrësit Vangjush Dako dhe anëtarëve të bandës kriminale, një pjesë e të cilëve të dënuar tashmë për trafik narkotikësh dhe vepra të tjera penale.

Pas publikimit të këtyre përgjimeve dhe të ngjashme opozita vendosi të heq dorë nga mandatet në kuvend dhe bojkotoi zgjedhjet lokale të vitit të kaluar, ndërsa i kontestoi zgjedhjet e vitit 2017 si të manipulura.

SPAK që po heton dyshimet e ngritura nga “Dosja 339” njoftoi në verë të këtij viti arrestimin e 22 komisionerëve në zonën e Shijakut, por lëshimi i fletëarrestit edhe për dy persona që ishin ndarë ndërkohë nga jeta hodhi hije dyshimi mbi seriozitetin e hetimit, i cili sidoqoftë ende nuk ka prekur persona me pushtet, emrat e të cilëve përmendeshin në përgjimet e bëra publike./BIRN

- Reklama -

Më shumë nga kategoria




Të fundit

E trishtë/ Ndërron jetë në moshën 35-vjeçare ish-sulmuesi

Ish-sulmuesi xhamajkan, Luton Shelton ka ndërruar jetë në moshën 35-vjeçare, për shkak të një sëmundje. Shelton ishte diagnostikuar në vitin 2018 me sëmundjen “ALS”, e...

Berlini përgatitet për konsultime me administratën Biden

Lehtësimi i jashtëzakonshëm u shpreh në Gjermani që kur Joe Bideni i fitoi zgjedhjet presidenciale. Kurse të mërkurën (20.01.), kancelarja Angela Merkel i shkroi...

Samsung u ngrit si një dyqan që shiste perime, dhe kuriozitete që nuk i dinit

Sistemi ligjor i Japonisë ka një normë dënimi prej 99 për qind. Peshkimi mbetet profesioni i dytë më i rrezikshëm i Shteteve të Bashkuara, pas...

Analisti: Basha do ketë Tiranën, ja kush do jetë drejtuesi i PD në Gjirokastër

Partia Demokratike ka emëruar drejtuesit politik në pjesën më të madhe të qarqeve, ndërkohë që janë ende për t’u zbuluar se cilët do të...

A do jetë sërish kandidat për deputet? Ja si përgjigjet Ervin Salianji

Ervin Salianji është shprehur se ekziston mundësia që ai të jetë kandidat për deputet në listën e Partisë Demokratike. I ftuar në “Zonë e lirë”,...