Vijon debati e përplasja e ashpër mes kryeministrit Edi Rama dhe deputetes demokrate, Jorida Tabaku. Deputetja e PD-së i ka kujtuar kryeministrit Edi Rama arrestimin e ish-kryebashkiakut, Agim Kajmaku. “Kisha Kajmakun kundërshtar, ai që nuk verifikohet për asnjë gjobë. Ai simbol i punës së kësaj, ai kajmakët e tjerë, gjalpat, gjizat si i quani, kjo është farsa e kësaj qeverie, që mendon se sa më të varfër të tjerë, aq më lehtë do të blihen, se janë të sigurt se do gjejnë kajmak të tjerë. Opozita sot nuk është e fortë, po të kisha qenë në vendin tënd, s’do e përdorja kurrë, për ta përdorur dobësinë e tjetrit për të bërë politikën e ditës. Bëje me vendimet e tyre, me mënyrën se si ke fituar pushtetin, e me kajmakët, gjizën e gjalpët me radhë”, tha Tabaku.
Por edhe Rama nuk ka qendruar në heshtje, ndërsa përmendi ish-kryeministrin Berisha i cili është shpallur “Non Grata”.
“E kam për procedurë, sepse Tabaku kaloi nga domatet te dekriminalizimi dhe ishte një kapërcim nga tema. Kapërcim shumë i madh nga tema, megjithatë dy fjalë kisha për të. Tabaku fole për një linjë telefoni antikorrupsion, ajo ka qenë linja “alo Doktor”, nuk ka qenë linjë e qeverisë sonë. Ishte një linjë “Alo Doktor”. Dhe nga ana tjetër e telefonit presupozohej që dilte Doktori dhe i thyente brinjët korrupsionit. S’ka problem, përkundrazi mua më vjen shumë mirë që ju i përmendni ato që në fakt janë provat e një ndryshimi rrënjësor, që po e sjellim ne”.