‘I bllokuar për 12 orë’, rrjetet sociale ultimatum Trump-it

Llogarinë e rrjeteve sociale të Trump janë mbyllur për 12 orë, pas protestës së djeshme ku pati edhe viktima.

Presidenti aktual i SHBA-së, Donald Trump është pezulluar nga rrjetet sociale si Twitter dhe Facebook për 12 orë. Një akt i tillë është ndërmarrë pas protestës që nisi mbrëmjen e djeshme në Capitol Hill të SHBA-së, ku mbetën të vdekur 4 persona dhe u arrestuan 52 të tjerë.

BBC raporton se kompania Twitter ka marrë këtë vendim, pasi sipas tyre, Trump ka bërë shkelje të përsëritura dhe të rënda të politikës së Integritetit Civil në tre postime të tij. E për këtë rrjedhojë kanë kërkuar heqjen e tre postimeve nga llogaria e Trump, të bëra një ditë më parë.

“Si rezultat i situatës së paparë dhe dhunës së vazhdueshme në Uashington, kemi kërkuar heqjen e tre postimeve nga [llogaria] @realDonaldTrump – të cilat janë bërë gjatë ditës së sotme – për shkak të shkeljeve të përsëritura dhe të rënda të politikës sonë të Integritetit Civil”, tha platforma sociale.

Nëse Trump nuk e merr në konsideratë këtë kërkesë, atëherë do të veprohet me mbylljen e këtyre rrjeteve sociale. Twitter ka paralajmëruar se nëse Trump nuk fshin këto tre postime problematike, atëherë llogaria e tij do të mbyllet përfundimisht. Edhe Facebook ka bërë të ditur se do të ndalojë postimet nga faqja e presidentit Donald Trump.