Hap i rëndësishëm në karrierë, lojtari shqiptar transferohet te ekipi italian

Erion Sadiku është lojtari më i ri i Xhenoas. Mesfushori 19-vjeçar nga Kosova, transferohet nga skuadra suedeze e Varsbergs tek skuadra nga Liguria nga ku i depozituan kontratën e tij në zyrat e Ligës së Serisë A, shkruan TuttoMercatoWeb.

Sadiku është pjesë e përfaqësueses së Kosovës U-21, dhe është rritur në akademinë e skuadrës së Varsbergs ku është aktivizuar dhe në skuadrën e parë të saj.

Sipas “Transfermarkt.de”, vlera e kartonit të tij aktualisht vlen 250.000 euro. Erion Sadiku ka bërë hapin e tij të madh të karrierës duke u transferuar tek një klub në Serinë A/

Për tu ambjentuar me kampionatin, skuadra e Xhenoas ka menduar që mesfushori të aktivizohet tek skuadra e 19-vjeçarëve dhe më pas në bazë të paraqitjeve të kalojë pjesë e ekipit të parë.