E diel, 16 Janar, 2022
10.5 C
Tirana

Gold Ag: Dy gjyshërit mi vrau serbi, i vunë bombë në xhami (VIDEO)

Reperi i njohur Gold Ag ka rrëfyer në emisionin Rudina në Tv Klan se kënga e tij “Sofra e nanës” është kënga e vetme që ai nuk ka marrë asnjë kritikë dhe është pëlqyer dhe dëgjuar nga e gjithë bota. Ai ka treguar se të gjitha tekstet e këngëve që shkruan ja lexon nënës së tij, ku prej disa prej tyre ajo frikësohet. Ai e këshillon atë dhe i thotë që nuk duhet të frikësohet, sepse ajo është një bijë dëshmorësh. Gold Ag tregon se dy gjyshërit e tij, ai nga nëna dhe nga babai janë vrarë nga serbët dhe për këtë arsye edhe këngët e tij kanë shpesh këto tematika.

Gold Ag: Ka qenë një këngë që ka patur komente të shumta. Në të gjitha këngët e tjera ata që nuk i kanë pëlqyer, kanë gjetur ndonjë detaj, jo pse e ke thënë ashtu, kështu, ndërsa tek kjo këngë nuk ka pasur asnjë koment negativ dhe as në YouTube. Ka pasur dëgjueshmëri në çdo vend të botës.

Rudina Magjistari: Me siguri ke fituar zemrat e të gjitha nënave apo jo?

Gold Ag: Unë jam rritur vetëm me nënën prej moshës 6-vjeçare kur më ka ndërruar jetë baba në vitin ’92. Unë me nënën jam rritur dhe kam qejf që ashtu siç e dua unë, gjithësecili të dojë nënën e vetë pavarësisht se rritet me një prind apo me të dy bashkë. Për mua ka qenë sikur e kam kënduar për nënën time duke e hequr veten si kurbetqar. Nënës ja tregoj tekstet e këngëve para se i publikoj dhe tani edhe nuses.

Rudina Magjistari: Të ka thënë ndonjëherë që jo, kjo nuk është gjë mos e publiko?

Gold Ag: Ka pasur raste kur është frikësuar sepse secila nënë për fëmijën e vetë nuk ka qejf të shohë diçka keq. Ka raste që unë e kam atë drejtimin tim, kokfortësinë që kur dua të bëj diçka nuk mendohem dy herë. Ka pasur disa herë frikë, por ti je çikë e dëshmorit, bile ti nuk duhet të frikësohesh, duhet të më japësh zemër, jo mos e bëj.

Të dy gjyshërit e mi janë vrarë prej serbëve në vitet ’40. Kur kanë venë bombë në xhami e kanë vrarë babën e babës, babin tim ma ka lënë 2 vjeç. Baba i nënës është vrarë kur ka qenë ushtar dhe nëna nuk e ka parë babën e vetë asnjëherë sepse nuk kishte lindur ende, kur e vranë. Për këtë arsye janë kështu dhe këngët e mia dhe kur më pyesin pse këndon kështu, kjo është historia ime dhe s’mund të bëj ndryshe. /tvklan.al

- Reklama -

Më shumë nga kategoria




Të fundit

Shuhet legjenda e futbollit shkodran, e mundi sëmundja

Një sëmundje e rëndë ka mposhtur legjendën e futbollit shkodran, Ramazan Rragami, i cili u shua në moshën 77-vjeçare. Rragami vuante prej vitesh nga një...

Falsifikimi i dokumenteve/Gjykata liron nga burgu vëllain e Sheila Haxhiraj

DVP Lezhë në bashkëpunim me DVP Tiranë dhe atë të Elbasanit, finalizuan operacionin “Identiteti”. Nga finalizimi i operacionit, pas tre muajsh hetime, u zbulua...

Misteri afrikan: Pse C*vid-19 ka shkaktuar më pak vdekje se kudo tjetër?

Nga: Federico Giuliani “Il Giornale Është një kontinent i madh, rreth 7 herë më i madh sesa Bashkimi Evropian, dhe i banuar nga pothuajse 1.5 miliardë...

“Basha është pronar i basteve”/PD ia kthen Berishës: Mashtrues kronik!

Partia Demokratike ka përgënjeshtruar akuzat e ish-kryeministrit Berisha, ku tha se kryedemokati Basha është pronar i basteve. Shigjetimet e Berishës ndaj Bashës erdhën nga...

Zgjedhjet lokale, kurthi pervers i Metës për Bashën

Nga: Andi Bushati Pak kohë përpara se Gjykata Kushtetuese të vendosë nëse Presidenti i Republikës e ka tejkaluar rolin e tij për të qënduar mbi...