Një video me përmbajtje të pabesueshme ka nisur të qarkullojë në internet qysh nga dita e djeshme. Lajmi është emetuar nga një faqe në internet që duket se mbështet luftën e kurdëve për vetëvendosje. Në video duken një grup luftëtarësh që shënjestrojnë dy ushtarë armiq dhe i godasin me një top të lehtë apo granatahedhës. Grupi duket se në përbërje ka shqiptarë të Kosovës, të cilët dëgjohen të përdorin gjuhën e tyre të nënës në momentet kur hapet zjarr.
Video shoqërohet me postimin që thotë: “Një grup xhihadist shqiptar Xhemati Alban (Kosovë?) duke shënjestruar ushtarë të regjimit sirian në Jabal Akrad (malet kurde) të Latakias. Ky është një grup i lidhur me AK (Al Kaeda-n) në Siri.”
An Albanian jihadi group Xhemati Alban (Kosovo?) targeting Syrian regime soldiers in Jabal Akrad (Kurds' Mountain) of Latakia. It is an AQ affiliated group in #Syria. #twitterkurds #Kurdistan #Turkey #Aleppo #Kosovo #Albania pic.twitter.com/2yiJ3o2WjC
— curdistani (@curdistani) February 9, 2019
Video i rrëfen qartë të gjitha të dhënat, porse nuk është bindëse sa i përket kohës kur është realizuar. E emetuar pikërisht në kohën kur ISIS dhe grupime të tjera terroriste në Siri janë në ditët apo orët e fundit të ekzistencës për shkak të fushatës së fundit të Aleatëve, ka shumë të ngjarë që filmimi të jetë i vjetër.
Përgatiti: TIRANA TODAY
Denonco ne TT