Bardhi thotë se Begaj nuk qeveris i pavarur, por vepron në bazë të urdhrave që i vijë nga kryeministri i vendit, Edi Rama, referuar këtu dhe dekretimit të zgjedhjeve për bashkinë e Tiranës
Kreu i Grupit Parlamentar të Partisë Demokratike, Gazment Bardhi ka dalë sot në një konferencë për shtyp duke bërë me dije se grupi opozitar ka hartuar kërkesën për shkarkimin nga detyra të presidentit Bajram Begaj, i akuzuar nga PD për një sërë shkeljesh të rënda të Kushtetuës së Shqipërisë.
Bardhi thotë se Begaj nuk qeveris i pavarur, por vepron në bazë të urdhrave që i vijë nga kryeministri i vendit, Edi Rama, referuar këtu dhe dekretimit të zgjedhjeve për bashkinë e Tiranës.
“PD bën me dije se ka depozituar në Kuvend kërkesën për fillimin e procedurës parlamentare të shkarkimin nga detyra të presidentit Bajram Begaj për shkelje të rëndë në mënyrë të vazhdueshme të Kushtetutës.
Kërkesa është hartuar me një material voluminoz ku analizohen së bashku me provat përkatëse të gjitha shkeljet e kryera të presidentit.
Po ashtu ne jemi të bindur se Begaj nuk mund të vazhdojë më të jetë de juro kryetar shteti dhe përfaqësues i popullit që në fakt de facto e ka humbur prej kohësh. Pas një analize shteruese, kemi arritur në konkluzionin se presidenti ka konsumuar 7 shkelje kushtetuese të rënda.
Dekretimi antikushtetuese i zgjedhjeve për bashkinë e Tiranës, pa u krijuar vakanca dhe duke iu bindur urdhrit të Ramës, duke ndërhyrë në mënyrë brutale në autonominë e pushtetit vendor. Duke tentuar si asnjë president tjetër, të zhveshë GJK dhe autoritetin e saj nga kompetenca.
Presidenti, ka kryer shkelje të rëndë për shkak se ka ushtruar një kompetencë kushtetuese që nuk kishte lindur ende. Ka synuar të ngushtojnë kompetencat e GJK. Ka futur në ngërç zgjedhjet e pjesshme në Tiranë dhe a minuar legjitimitetin e tyre. Ka marrë kompetencat e sistemit gjyqësor, duke përcaktuar juridiksionin ku kundërshtohet vendimi i Këshillit të Ministrave”, tha Bardhi.
