Futet brenda xhamisë te ”Rruga e Kavajës”, plagos me thikë 5 persona (Emri)

Një ngjarje e rëndë ka ndodhur mesditën e sotme në kryeqytet, pasi një 34 vjeçar është futur brenda xhamisë në ”Rrugën e Kavajës”, dhe ka plagosur me mjet prerës 5 persona.

Uniformat blu kanë bërë të mundur neutralizimin dhe prangosjen e autorit, shtetasit Rudolf Nikolli.

”Rreth orës 14:30, në Rrugën e Kavajës, një shtetas është futur në ambientet e një kulti fetar (xhami) dhe në rrethana ende të paqarta ka plagosur me mjet prerës 5 shtetas.

Falë reagimit profesional dhe të menjëhershëm të shërbimeve të Policisë është bërë i mundur neutralizimi dhe prangosja e autorit të dyshuar, shtetasi Rudolf Nikolli 34 vjeç, nga Burreli, i cili po shoqërohet në ambientet e Drejtorisë Vendore të Policisë Tiranë, për veprime të mëtejshme.”, informon policia.

Ndërkohë, shërbimet e Policisë iu kanë dhënë ndihmën e parë shtetasve të lënduar, të cilët janë transportuar në spital, për ndihmë mjekësore dhe ndodhen jashtë rrezikut për jetën.

Në vendngjarje ka mbërritur grupi hetimor dhe nën drejtimin e Prokurorisë vijon puna për sqarimin e rrethanave dhe dokumentimin e plotë ligjor të ngjarjes.

Rudolf Nikolli, autori i plagosjes së 5 personave
                                         Rudolf Nikolli, autori i plagosjes së 5 personave