Kryesore

“Fundjavë Ndryshe” shkon në Kosovë, Cunmulaj loton gjatë takimit (VIDEO)

               Publikuar në : 13:18 - 17/06/19 S.N

Fondacioni “Fundjavë Ndryshe” zhvilloi ditën e djeshme një takim me të rinjtë në Kosovë; në një bashkëbisedim me drejtuesin e “Fundjavë Ndryshe” Arbër Hajdarin dhe modeles së mirënjohur Emina Cunmulaj. Qëllimi i takimit ishte rritja e sensibilizimit për bamirësinë, vullnetarizmin dhe bashkimin e shqiptarëve në të gjitha trojet për kauzën e varfërisë.

Zëvendës presidentja e “Fundjavë Ndryshe” gjatë takimit rrëfeu edhe një histori prekëse të një familje të varfër. E cila bëri që Cunmulaj t’i bashkohej më tepër fondacionit, duke ndryshuar jetën e dhjetëra familjeve shqiptare.

“Mua më kujtohet që kemi pasur varfëri gjatë fëmijërisë time. Por, ajo nuk krahasohet me çfarë kam parë kur më kë çuar Arbëri për herën e parë te një familje. Kemi vizituar një familje ku gruaja kishte burrin e verbër dhe vajzën e sëmur. Jetonte në kushte ekstreme, si nuk po i binte çatia mbi kokë. Ajo nuk kishte askënd tjetër dhe kishte dal për të mbledhur çaj, e thoshte që nuk ka kush t’ia blej.

Ne ia dërguam disa pako me gjëra elementare dhe ajo u gëzua shumë. E në fund më tha kthehu për Bajram, se të premtoj që do ta jap një pije. Si është e mundur që ajo nënë nuk kishte bukë të hante dhe thotë, kthehu për Bajram?! Kjo është diçka që do e kem me vete sa të jem gjallë, është diçka e pabesueshme. Ndaj unë do ta ndihmoj popullin tim me sa mundësi që kam.

Ndërkohë Hajdari theksoi rëndësinë e pjesëmarrjes të të rinjve më tepër në kauzat humanitare. Pasi vetëm kështu mund të luftohet varfëria e skajshme, prezentë në të gjithë Shqipërinë. Si edhe vlerësoi mundësinë e bashkëpunimit me organizata të tjera dhe në trojet shqiptare. Por, kjo me një kusht.

“E gjithë Shqipëria është e varfër. Vendet me problematike janë fshatrat e Shkodrës, Elbasanit, Dibrës. Ka vende të varfra edhe në jug. Por, unë di të them që është një varfëri e madhe. Sa kohë duhet që të ikë varfëria, kjo varet se sa shumë zemra do të bashkohen.

“Fundjava” mund të iu japë shtëpi e zanat, por duhet që e gjithë shoqëria, faktori shtet të bashkëpunojnë. Në mënyrë që këto njerëz të ndihmohen. Mos t’i jepet peshku, por t’i mësojmë se si të peshkojnë. Shpresoj që në krye të 5 viteve nuk do të kemi më raste që i përkasin varfërisë ekstreme.  Sepse të varfër janë të gjithë shqiptarët, por po flas për varfëri ekstreme.

Bashkëpunimin me organizata të tjera e kam menduar që kur “Fundjava” është krijuar dhe ne jemi të hapur të bashkëpunojmë me cilindo organizatë. Në momentin që ajo vendos të tregohet transparente, jo me ne, por me publikun.”/ TIRANA TODAY

Kthehu
WhatsApp Denonco ne TT