Fshehu dënimet në Zvicër, KQZ-ja i hiq mandati këshilltarit të PS-së

Mirush Dema (Troci) është shkarkuar nga detyra si Këshilltar në Bashkinë Kamëz. Në mbledhjen e sotme të KQZ, pasi u shqyrtua dosja e tij, me katër vota pro u vendos për heqjen e mandatit të Demës, aktualisht këshilltar i PS-së në Bashkinë Kamëz.

KQZ-ja ka arritur të faktojë fshehjen e dy dënimeve në Zvicër nga ish-zyrtari i PS-së.

Sipas informacioneve, në vitin 2014 Dema i ka ofruar për t’i shitur 4 qese heroinë një polici, i cili ishte i infiltruar. Kurthin ai e kuptoi në fund, por për këtë ngjarje është dënuar, megjithatë dënimi iu konvertua në gjobë.

Ai gjithashtu ka ndryshuar mbiemrin pas martese nga Troci në Dema. Në formularin e vetëdeklarimit ai ka deklaruar vetëm një ndalim për verifikim në Gjenevë dhe dëbim në Suedi duke fshehur dënimin për heroinë dhe dhunim banese.