E shtunë, 31 Korrik, 2021
31.5 C
Tirana

“Francezi”, “Pinxho”, Zagani, Tahiri dhe…. Rama

Në vitet 2016 dhe 2017 “News 24” publikoi një dosje ku flitej për fikje të radarëve të Ministrisë së Mbrojtjes me qëllim që trafikantët e drogës të mos shqetësoheshin teksa e eksportonin atë në drejtim të Italisë. Dëshmitë thonë se radarët fikeshin në varësi të orareve që trafikantët dërgonin mallin. Por publikimi i dosjes në televizionin “News 24” mbeti thjesht “një lajm” pasi hetimet nuk e prekën aspak këtë çështje.

Media që bëri denoncimin doli kështu thjesht “një fantaziste” ndërkohë që denconcimet e opozitës ngjanin pikërisht si deklarata politike, me qëllim për të rrëzuar Ramën nga pushteti. Edhe më keq  e pësoi ish shefi i antidrogës në Policinë e Fierit, Dritan Zagani, që guxoi të shkruante lidhur me trafikun e drogës dhe që shoqëroi dy kushërinjtë e ministrit Tahiri, Habiljat, që tashmë janë dënuar lidhur me këtë trafik. Ngjarja e ndodhur në shtator 2015 solli një situatë tragjike për personin që denoncoi trafikun: Policia e arrestoi, prokuroria e akuzoi dhe gjykata e dënoi me 4.6 vite burg nën akuzën se ka bashkëpunuar me policinë italiane kundër drogës dhe u ka dhënë atyre informacione të klasifikuara.

Regjisorët e kësaj situate tragjike ndaj Zaganit ishin në Tiranë, në zyrat kryesore të shtetit. Saimir Tahiri e konsideroi “dru të shtrëmbër” në rradhët e policisë. Ndërsa vetë kryeministri Rama u kujdes ta denigronte “këtë armik të suksesve të qeverisë”. “Zagani  ka qenë i  dënuar nga Gjykata e Krimeve te Renda si bashkëpunëtor i trafikantëve të drogës që dekonspironte operacionet e policisë … Zagani pasi është dënuar nga gjykata ka folur kundër Tahirit..”, tha Rama në emisionin “Zonë e Lirë” të Arian Çanit në Tetor 2017. Kryeministri Rama këtu kreu rolin siç i pëlqen mafias, nën moton “delegjitimo dëshmitarin”! Pas kësaj deklarate të Ramës, një furi e madhe mediatike iu sul ish komisarit, që denoncoi trafikun me emra. U sajuan dhjetra “fakte” duke e akuzuar si dekonsipirues të aksioneve policore. Madje, u sajua edhe lajmi i  marrjes së një shtëpie nga Sali Berisha, si shpërblim për denoncimin. Qëllimi ishte vetëm një: Zagani duhej të dukej një i person i futur nga opozita dhe që e kish kryer gjithë dekonsipirimin për të tuprëruar ministrin Tahiri dhe qeverinë!!!!!

Por, pesë vite më vonë, përmes këmbënguljes së Antimasfias Italiane, në Tiranë u rikthye edhe një herë çështja që prej vitesh fle gjumë në sirtarët e drejtësisë shqiptare. “Francezi” dhe “Pinxho” nuk janë me regji hollivudiane. Pas tyre janë emrat që kanë zbardhur pikërisht atë që media dhe opozita e denonconin me zë të lartë për vite me rradhë. Nga ajo që u zbardh nga mediat, rezulton se janë zbardhur dëshmi që thonë edhe më shumë fakte se sa ka shkruar Zagani në raportet e tij lidhur me dijeniën e shtetit për trafikun e drogës. E megjithatë, SPAK dhe Policia Shqiptare dolën ta lexonin si sukses, atë që fare mirë mund ta quajmë turpi i policisë, prokurorisë dhe gjykatave shqiptare, të cilët në asnjë rast nuk arritën dot të kalonin presionin politik.

“Shpirti” është emërtim poetik i një prej dosjeve që tregon më qartë se kushdo se sa e strukturuar ishte e gjithë policia dhe institucionet e tjera shtetërore në kanabizimin e Shqipërisë dhe në eskportimin e saj drejt Italisë. Por, a mund ta quajmë sukses të policisë dhe hetuesve shqiptarë kur Hetimet e Antimafias së Katanias provuan thuajse të gjitha akuzat e Zaganit, që i kish dërguar me shkrim eprorëve të dhënat për këtë trafik?/ Tirana Today

- Reklama -

Më shumë nga kategoria




Të fundit

Teatri Kombëtar në pronësi të Bashkisë/ PD: Rama nuk pyet për drejtësinë

Partia Demokratike ka reaguar ashpër ndaj vendimin e qeverisë për t'i kaluar truallin e Teatrit Kombëtar në pronësi të Bashkisë së Tiranës. Deputetja e zgjedhur...

Varianti Delta përhapet me shpejtësi në Shtetet e Bashkuara

Presidenti Joe Biden po u kërkoi punonjësve të qeverisë federale të dëshmojnë statusin e tyre të vaksinimit. Të pavaksinuarit do të duhet të mbajnë...

Si duket Serbia…

Nga Emin Azemi Serbia e Edi Ramës kufizohet direkt me Shqipërinë (!) Kjo Serbi, Kosovën e konsideron pjesë të saj dhe, për rrjedhojë, Edi Rama...

45 raste të reja në 24 orët e fundit, asnjë viktimë

Në përditësimin e radhës nga Ministria e Shëndetësisë, vihet re një rritje e rasteve të infektimeve në 24 orët e fundit. Fatmirësisht nuk ka...

Përjashtohen nga Olimpiada dy atletë që shkelën rregullat kundër COV*D-19

Dy xhudistë të Gjeorgjisë janë përjashtuar nga Lojërat Olimpike Tokio 2020, pasi kanë dalë për shëtitje jashtë Fshatit Olimpik, ka raportuar agjencia japoneze e...