Francë/ Formohet një parti e re, Macron humb shumicën në Parlament

Një lajm i bujshëm vjen nga Franca, teksa disa anëtarë të partisë në pushtet të presidentit Macron kanë njoftuar për formimin e një partie të re.

Sipas mediave franceze, kjo situatë ka ndikuar në humbjen e shumicës së partisë së Macron-it në Parlament.

Mësohet se janë shtatë ligjvënës që janë larguar nga Partia e Macron-it për të formuar grupin “Ekologjia, Demokracia, Solidariteti”. Ky grup do të ketë 17 deputetë në Parlament.

Kështu partia e presidentit Macron mbetet me vetëm 288 deputetë, pra 1 më pak sesa shumica absolute.

“Presioni nga ekzekutivi, partia dhe grupi kanë qenë të atilla që na është dashur ta bëjmë njoftimin publik”, tha njëri nga pjesëtarët e larguar.

Partia e Macron-it është përballur në të kaluarën me kritika, pasi ligjvënësit e partisë së tij nuk janë pajtuar me vendimmarrjet e tij dhe politikat pro-biznesore.