E enjte, 21 Tetor, 2021
8.5 C
Tirana

FOTO/SPAK nxjerr urdhër arresti, policia i shkon në shtëpi ish-kryeprokurorit

Ish-Prokurori i Përgjithshëm i Shqipërisë, Adriatik Llalla është dënuar me burg, pas shumë seancash gjyqësore, zvarritjesh dhe debatesh. Vendimi në fjalë është marrë dje nga Apeli i Gjykatës së Posaçme Kundër Krimit dhe Korrupsionit.

Llalla është dënuar me dy vite burg nga Apeli i GJKKO, vendim ky që la në fuqi vendimin e marrë më parë nga Gjykata e Posaçme e Shkallës së Parë për ish-kryeprokurorin, i cili bëhet kështu zyrtari më i lartë shqiptar që do të shkojë përfundimisht në qeli.

“Mbi përfundimin e gjykimit ndaj të pandehurit Adriatik Llalla. Gjykata e Posaçme e Apelit për Korrupsionin dhe Krimin e Organizuar me vendimin Nr.24, datë 22.09.2021 vendosi: “Lënien në fuqi të vendimit nr.40, datë 20.05.2021 të Gjykatës së Posaçme të Shkallës së Parë për Korrupsionin dhe Krimin e Organizuar”.

Gjykata e Posaçme e Shkallës së Parë për Korrupsionin dhe Krimin e Organizuar me vendimin nr.40, datë 20.05.2021 ka vendosur: Deklarimin fajtor të pandehurit Adriatik Llalla për kryerjen e veprës penale “Refuzimi për deklarim, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publik ose i çdo personi tjetër që ka detyrimin ligjor për deklarim”, parashikuar nga neni 257/a, paragrafi 2 i Kodit Penal, 3 (tre) herë, dhe dënimin e tij me 2 (dy) vjet burgim”, thuhet në njoftim.

Struktura e Posaçme Kundër Krimit të Organizuar dhe Korrupsionit bën me dije se ish-kryeprokurori Adriatik Llalla është dënuar gjithashtu me 5 vite përjashtim nga postet publike, si dhe i janë konfiskuar disa pasuri.

Sipas njoftimit të SPAK, pronat dhe pasuritë e Llallës i kalojnë për administrim shtetit shqiptar.

“Në bazë të nenit 35 të Kodit Penal, heqjen e të drejtës për të ushtruar funksione publike për të pandehurin Adriatik Llalla për një periudhë 5 (pesë) vjeçare. Pasuritë e paluajtshme të sekuestruara ku përfshihen: Pasuria e paluajtshme apartament, me sipërfaqe 67.2 m2, e ndodhur në Durrës. Pasuritë e paluajtshme të llojit tokë arë, 4 (katër) pasuri, me sipërfaqe gjithsej 22.300 m2 të ndodhura në Tiranë. Konfiskohen dhe kalohen në favor të shtetit”, thuhet në njoftim.

- Reklama -

Më shumë nga kategoria




Të fundit

Paloka reagon pas deklaratës së Bashës: Ndal përçarjen!

Deputeti i PD-së dhe njëherazi kryetari i Këshillit Kombëtar, Edi Paloka, ka reaguar pas deklaratës së liderit të partisë Lulzim Basha, i cili tha...

77 mandate PS-ja?

Nga: Eduard Zaloshnja “Do të kishim marrë jo 74, por 77 mandate, nëse shumë nga ata që na votuan nuk do të kishin ngatërruar numrin...

‘Reshje shiu me intensitet të ulët’, parashikimi i motit për nesër

Duke filluar nga dita e nesërme, mbi vendin tonë depërtojnë gradualisht masa ajrore të paqëndrueshme me origjinë veriperëndimore. Moti parashikohet me alternime kthjellimesh e vranësirash...

A duhet shtetëzuar transporti urban?

Nga: Klodian Tomorri Ka patur një debat mes ekonomistëve nëse shërbimi i transportit urban është apo jo monopol natyror? Evans në vitin 1991 studioi shërbimin...

Do jepni dorëheqjen nga PD? Basha: 95% e demokratëve më duan

Në një prononcim për gazetarët nga selia blu, kryedemokrati Lulzim Basha tha se 95% e demokratëve e duan në krye të betejës. Nga ana...