Foto/ Kjo është fleta e votimit që do keni në duar më 25 prill

Komisioni Qendror i Zgjedhjeve ka publikuar se si do të duket fleta e votimit në 12 qarqet e vendit.

Fleta e votimit do të jetë me përmasa të njëjta, por ajo që ndryshon nga qarku në qark është madhësia e shkrimit, kjo në varësi të numrit të kandidatëve që garojnë në zgjedhjet e 25 prillit.

Fleta e votimit do të jetë me numra, pas vendimit final të marrë ditën e djeshme nga Kolegji Zgjedhor.

12 partitë janë të renditura si rezultat i shortit të hedhur më parë në KQZ, ku logoja e secilës prej tyre qëndron në fillim të rreshti dhe më pas vjen numri i kandidatëve nga 1-36, siç është për qarkun e Tiranës, por që ndryshon nga qarku në qark.

Ajo që vihet re është se ka ndyshuar edhe logoja e partisë Bindja Demokratike, të cilës një ditë më parë Kolegji Zgjedhor i dha urdhër që ta ndryshojë, për shkak të ngjashmërisë me atë të Partisë Demokratike.