Partia Demokratike ka nisur sot foltoren e turit që do të mbahet në të gjithë Shqipërinë.
Kreu i PD Sali Berisha, në një bashkëbisedim me qytetarët ka evidentuar problemin e shpopullimit, që sipas tij vjen nga mazhoranca në pushtet, politikat e ndjekura prej saj dhe lidhja me krimin.
“Nga një komb ndër më të rinjtë në Europë, sot jemi kombi me lindshmërinë që kishim 100 vite më parë kur ishin 700 mijë banorë. Jemi kombi me lindshmërinë më të ulët në Europë për shkak të largimit të t rinjve. Nga 2018 vdekjet dominojnë shumë mbi lindjet. Në këtë trend rrokullisës, brenda disa dekadash do të shkojmë edhe më pak se 500 mijë banorë.
Jetojmë në një sistem diktatorial që ka pranuar pluralizmin, por shtyp dhe ngushton hapësirën për të qendruar në pushtet”, tha ai.
