E mërkurë, 16 Qershor, 2021
16.5 C
Tirana

Flet Cen Murataj: Vëllai im një zemërluan, Admiri u përdor nga shokët

Vëllai i Admir Muratajt, Ceni ka pritur në banesën e tij gazetarët, ku ka folur për të vëllanë, i cili u vra në grabitjen e miliona eurove në Rinas.

Can Murataj nga Tropoja thotë se vëllai tjetër që ndodhet i dënuar me 12 vjet e 8 muaj për një tjetër grabitje në Rinas në 2017-ën, është marrë peng nga Prokuroria në mënyrë që autoritetet të mund të shkonin drejt Admirit.

Murataj e përshkruan të vëllain si “zemërluan”, ndërsa thekson sërish se ai u përdor për shkak të guximit që kishte.

Pjesë nga intervista me gazetarët:

Qarkullojnë shumë lajme, a kishit dijeni mbi aktivitetin e tij? Çfarë bënte ai në Greqi dhe Shqipëri?

Një informacion që kisha unë, kur morëm rrugën e emigracionit të gjithë, i thosha si ka mundësi që je kap punëtor se unë nuk e bëja dot punën e tij, iku nga mësues, mori nusen dhe iku në Greqi, e kam gjet në Greqi një shtëpi të zbuluar dhe pikte natën çatia, i thosha vëlla. Admir Murati të jeni të bindur të Zoti ka filluar punën e tij në Greqi, murator, punë që unë nuk e bëj. Ngaqë ishte shumë profesionist mori një supermarket për mirëmbajtje, pastaj ndërrime, se si erdhi çekuilibrimi unë kam qenë në Belgjikë, dhe nuk di detaje, por ai ka qenë zemër, shpirti, guximin.

Ai ka qenë i hetuar për grabitje banke në Greqi, kur e mësuat këtë?

Çekuilibrimin e tij familja e kam mësuar në 2014, ishte momenti që erdhi nga Greqia, më tha shumë drejtë, vëllaçko Greqia për mua ka marrë fund, është bastarduar, turpëruar te autoritetet greke, 15 ditë hetim ka ra 16 kg në peshë, familjarët nuk e kanë njohur si njeri. Hetimet në Greqi kanë qenë gjithmonë i akuzuar, aty ka filluar historia, ka ardh në Shqipëri ka pas jetë familjare tepër normale, korrekt, pa asnjë problemi

Çfarë  identitetesh përdorte Admir Murajat, pasi kanë dalë plotë emra?

Unë mund ti kem kaluar mbi 20 identiteti, për të marrë asistencë në Evropë, sot ilir, Hasan ,Skendërbeu, pastaj Gjergj Kastrioti, kanë qenë motive përfitimi.

Keni marrë ndonjë informacion se çfarë ka ndodhur?

Jo deri në këto momente ajo që më ka shqetësuar, ka qenë TV Klan me Opinon, me informacione nga Greqia që Admir Murataj ka ngel i vrare, por kur jepte moshën 25-30 vjeçare thosha që nuk është i vërtetë. Në 6 të mëngjesit shkuam në polici, kanë shoqëruar nusen e tij 4-5 orë. Nëse doni identifikim, nuk ka nevojë ADN dhe prova, se unë vëllain tim e njoh.

Dy vjet më parë e keni takuar Adin, në këto dy vjet që ka qenë në kërkim, keni pasur bisedë telefonike a mesazhe, ku rrinte ai, kush kujdesej?

Adi ka qenë hije për ne. Bashkëshortja me 4 fëmijët ka jetuar gjithmonë në Tiranë, Nga 2015 e pas ishte thjesht emër kur e dëgjonim në televizion apo lajme dhe ditët që iknim në gjykatë, ndërkohë që për të tjerat asnjë lëvizje, asnjë telefonat, kontakte, asgjë.

Po dy vjet ku ka qëndruar?

Këtë ta kthjellojë më mirë policia.

Kanë kaluar disa ditë, por më shumë se dy vjet hije, person që prej 2014 kishte deformim drejt parasë, ju sot si vëllai pse u kthye në grabitje, për çfarë i duheshin paratë më shumë?

Kjo është ajo që më mundon më shumë. Kam biseduar edhe me policinë, fliten shuma 2 milionë, 5 mln 7 mln, edhe e kam menduar, kurrë në jetën time nuk kam përfituar 50 cent të vjetra nga ana familjare, çdo familje është në jetën dhe aktivitetin e vet, ne e kemi zakon, që barra e vëllait më bie mua dhe jam ballëlartë.

Por, por flasim për shtëpi disa milionë euro…

Po, por këtu del pa ngopja sikur Admir Murataj është i pangopur, kjo nuk është, këtë duhet ta shihni ju.

Keni ide për personat e tjerë?

Nuk kemi pas kohë, as ish shoku, ish grabitësi, apo ish miku, unë jam nga 2017, 14 prill e deri më sot, i kam thënë në polici, do ti them, me policinë do i qajmë hallet, por deri më sot kemi pas hall tjetër, të përcjellim vëllanë

Po për sekuestron?

Nuk e kam kthyer kokën pas, me objektin te puna ime janë marrë 9 automjetet me taksa të paguara me certifikata të rregullta, unë i kam dërguar në polici, kurse nga ana tjetër nuk e kthej kohën pas, nëse e duan për bujë, se po bëjmë një punë, le të sekuestrojnë të gjitha, edhe pantallonat jam gati t’ua jap.

Bashkëpunëtor i prokurorisë nuk jam kurrë.

Admiri ka lënë për gruan dhe fëmijët vetëm shtëpinë. Admiri është përdorur, se kush e ka përdorur do dali një bashkëpunëtor drejtësie besoj. Ato punë bahen me shokët, bazohem te guximi i vëllait tim.

Pasioni i Adit ka qenë shoqëria, ecja, noti. Ulet me ty, pi ndonjë shishe verë, dalin ecën malit, ky është pasioni i Admirit. Pasioni im janë motorrat dhe makinat. Adit mund t’i thuash zemërluan. Saç i peshonte trupi, aq e kishte zemrën./ Tirana Today

- Reklama -

Më shumë nga kategoria




Të fundit

Autogol, gola të anuluar dhe shtyllë, Franca ”gjunjëzon” Gjermaninë në Mynih

Përfundon supersfida e grupit F mes Francës dhe Gjermanisë. Gjermania e Lëv tronditet që në fillim të kampionatit europian. Skuadra e Didier Deshamps kaloi...

Pekini akuzon NATO-n për ekzagjerim të kërcënimit nga Kina

Kina ka akuzuar NATO-n se është duke shpifur për zhvillimin e saj paqësor, pasi liderët e aleancës kanë paralajmëruar për “sfida sistematike” që vijnë...

Biden shpall planin e parë kombëtar për të luftuar terrorizmin e brendshëm

Presidenti amerikan Joe Biden shpalli atë që ai e quajti plani i parë kombëtar për të luftuar terrorizmin e brendshëm. Në një deklaratë të martën,...

A mundet Basha të përjashtojë Berishën? Ja si përgjigjet Nishani

Kryetari i Këshillit Kombëtar të Partisë Demokratike, Bujar Nishani deklaroi se kryetari i zgjedhur Lulzim Basha, nuk mund ta përjashtojë Sali Berishën nga grupi...

RENEA kontrolle në terren, vë me shpatulla pas murit disa persona në lokal

Forcat RENEA dhe FNSH kanë dalë sërish në terren mbrëmjen e sotme, në kuadër të aksionit për kapjen e personave të shpallur në kërkim,...