E mërkurë, 13 Tetor, 2021
14.5 C
Tirana

Fjalët e Alegrit që larguan Ronaldon pas 1139 ditësh nga Juvja

“Kampionët kalojnë, Juve mbetet”. Masimiliano Alegri e filloi me këto fjalë ditën kur dha lamtumirë Kristiano Ronaldo, i cili përshëndeti shokët e tij, kaloi për herë të fundit portat e Continassa dhe më pas u largua, me aeroplanin e tij privat, drejt jetës së tij të re larg “Zonjës”, te Mançester Junajtid.

Gjatë kësaj vorbulle ngjarjesh dhe emocionesh, trajneri i Juventusit ishte para kamerave për konferencën e zakonshme për shtyp që i paraprin një ndeshje. Dhe nuk mund të ketë qenë një prag më atipik se ai i djeshmi. Sonte Juve do të gjejë njëzet mijë tifozë në stadium pas një viti e gjysmë: a do të jetë një festë e plotë? Kush e di, CR7 nuk do të jetë më në qendër të Juves: nuk do të jetë më si dikur, siç e pamë në debutimin në Udine, por sot do të jetë domosdoshmërisht ndryshe.

Kristiano nuk është më me Juve. Fillon një epokë e re: 1,139 ditë pas mbërritjes së tij në 15 korriku 2018, kur marsiani zbarkoi në planetin bardh e zi, duke ndryshuar rrjedhën e historisë së klubit. Dhe nuk është një “fund i lumtur” , pavarësisht 101 golave ​​në 134 ndeshje, dy kampionate, dy Superkupa italiane dhe një Kupë Italie. Ndjenja për Juven është zbehur gradualisht, por pasi mbërriti në këtë kohë, ishte e vështirë të imagjinohet një përmbysje kaq e papritur, kur sezoni ka filluar dhe merkato po shkon drejt fundit.

Fjalia e Allegrit që mbyll kapitullin e Ronaldos nga Juve

E fundit daton një javë më parë dhe Allegri, në prag të Udine, tregoi se si Ronaldo kishte konfirmuar qëndrimin e tij. Një javë më vonë, bota u përmbys. ” Kristiano më njoftoi se nuk ka ndërmend të qëndrojë në Juve dhe për këtë arsye ai nuk do të thirret për ndeshjen e radhës, këtë mëngjes ai nuk u stërvit, ai ua komunikoi shokëve të tij të skuadrës dhe i përshëndeti. Unë absolutisht nuk jam i zhgënjyer nga sjellja e tij, ai bëri zgjedhjen e tij. Sivori, Platini, Del Piero, Zidane, Bufon, kampionë të mëdhenj, kanë kaluar te Juvja. Është një ligj i jetës: Juventusi mbetet, që është gjëja më e rëndësishme dhe baza për të pasur rezultate. Kanë kaluar tre vjet, ai ka dhënë kontributin e tij, tani ai largohet dhe jeta vazhdon, siç është normale. I uroj fat të mirë, duhet vetëm falenderuar për atë që bëri për Juve”. /Panorama Sport

- Reklama -

Më shumë nga kategoria




Të fundit

Sa do të shtrenjtohet energjia?

Qoftë për ngrohje, furnizim me karburant, apo për faturën e energjisë elektrike: konsumatorët duhet të paguajnë gjithnjë e më shumë para për energji. Cilat...

Si po tallet Sali Berisha me viganët e historisë

Nga: Pajtim Bello Sali Berisha, si në fillimet e 1991, kërkon të sëmbojë demokratët e Kukësit duke evokuar historinë e trevës së tyre. Sjellje tipike...

Mashtrimi me kreditë/Lihet në burg infermierja, lirohet bashkëpunëtorja

Gjykata e Tiranës ka lënë në fuqi vendimin "arrest me burg" për infermieren Elisabeta Bardhollari dhe "arrest shtëpie" për Orjada Hoxhën, pasi akuzohen për...

I mori jetën gruas në sy të foshnjes/Piloti 33-vjeçar nuk kishte bashkëpunëtor

Autoritetet greke kanë dalë në përfundimin, se në krim për vrasjen e 20-vjeçares Caroline Crouch në muajin maj në Greqi është i shoqi 33-vjeçar,...

Herët a vonë të gjithë do të thonë: E dua Doktoreshë Albanën

Nga: Lorenc Vangjeli Doktoreshë Albana Fico është një emër shumë i njohur në Tiranë. Në një kohë tjetër, ajo dhe shumë kolegë të tjerë si...