Aleanca për Mbrojtjen e Teatrit është ndalur ditën e sotme në Lezhë për të mbledhur firma për peticionin që kërkon rindërtimin e Teatrit Kombëtar aty ku ishte dhe siç ishte.
Gjatë fjalës së tij, regjisori Budina theksoi se do ketë një manifestim gjigant në Tiranë pasi të ketë mbaruar turi i peticionit:
“Kemi ardhur të lidhim Besëlidhjen.
Të lidhim besën me atë peticionin dhe të organizojmë më pas një manifestim gjigant dhe të ngulim në sheshin e Teatrit Kombëtar flamurin kombëtar. Që ai kryeministri e hodhi gjatë shembjes.
Demokracia është një maratonë e gjatë dhe duhet të luftojmë, të ndërtojmë institucionin e rezistencës që e bëmë në 2 vite e gjysmë”.
