E premte, 24 Shtator, 2021
24.5 C
Tirana

Finalet e EURO 2020 / UEFA konfirmon Mynihun dhe ndryshon dy nga vendet pritëse

Komiteti Ekzekutiv i UEFA u mblodh sot përmes video-konferencës dhe diskutoi një sërë çështjesh që kishin të bënin me organizimin e finaleve të kampionatit europian 2020. Në këtë mbledhje mori pjesë edhe Presidenti i FSHF-së, Armand Duka në cilësinë e anëtarit të Komitetit Ekzekutiv të UEFA-s.

Në komunikatën zyrtare për shtyp, UEFA bën me dije se u informua për konfirmimin e dhënë nga autoritetet lokale se të katër ndeshjet e EURO 2020 në Mynih do të jenë në gjendje të mirëpresin minimumi 14,500 spektatorë. Mynihu u konfirmua si një nga vendet pritëse për finalet e kampionatit europian.

Komiteti më pas vendosi të ndryshojë disa nga vendet pritëse për ndeshjet e UEFA EURO 2020 si më poshtë:

Të katër ndeshjet e planifikuara fillimisht për t’u zhvilluar në Bilbao, do të zhvendosen në “Estadio La Cartuja” në Sevilje. Organizimi dhe pritja e këtyre ndeshjeve mbështetet nga Komuniteti Autonom i Andaluzisë, që ka konfirmuar synimin e tij për të lejuar spektatorët në 30% të kapacitetit të stadiumit për tre ndeshjet e Grupit E dhe një ndeshjeje për raundin e të 16-tave.
Pas vendimit të autoriteteve lokale, ishte e qartë se tifozët nuk kishin shumë të ngjarë të ishin në gjendje të ndiqnin në stadium ndeshjet që ishin planifikuar të luheshin atje. Prandaj, me ndihmën e Federatës Spanjolle të Futbollit (RFEF), UEFA propozoi që këto ndeshje të transferohen në një qytet tjetër, po në të njëjtin vend pritës, thjesht për të lejuar tifozët të ndjekin ndeshjet në stadium më shumë se një vit pas mbylljes së stadiumeve për shkak të pandemisë. Ky vendim do të krijojë një atmosferë festive në të gjitha ndeshjet që zhvillohen në turneun e UEFA-s, më i rëndësishmi për ekipet kombëtare në Europë.

Të tre ndeshjet e Grupit E, që ishin planifikuar fillimisht për t’u luajtur në Dublin, do të zhvendosen në “St Petersburg Stadium”, që tashmë do të mirëpresë të tre ndeshjet e Grupit B dhe një ndeshje të fazës çerekfinale.

Ndeshja e raundit të 16-ave e planifikuar fillimisht për t’u luajtur në Dublin, do të zhvendoset në stadiumin “Wembley” në Londër.

Lidhur me këto vendime Presidenti i UEFA-s, Aleksander Čeferin tha:

“Ne kemi punuar ngushtësisht me federatat e vendeve pritëse dhe autoritetet lokale për të siguruar një mjedis të sigurt dhe festiv gjatë ndeshjeve dhe unë jam vërtet i kënaqur që jemi në gjendje të mirëpresim spektatorë në të gjitha ndeshjet për të shijuar këtë festë të futbollit për ekipet kombëtare në të gjithë kontinentin.

UEFA dëshiron të shprehë vlerësimin dhe mirënjohjen e saj për qytetet e Bilbaos dhe Dublinit – të dyja këto që konsiderohen si vende të përshtatshme për të pritur evente të ardhshme të UEFA-s – qeveritë kombëtare dhe rajonale të Spanjës dhe Republikës së Irlandës dhe të gjithë aktorëve lokalë për përkushtimin e tyre, profesionalizmi dhe përpjekjet përgjatë viteve të kaluara.
UEFA gjithashtu dëshiron të falënderojë Federatën e Futbollit të Irlandës dhe stafin e saj të përkushtuar për bashkëpunimin e tyre të shkëlqyeshëm dhe punën e palodhur, dhe pret që të vazhdojë të punojë me njëmbëdhjetë federatat e tjera pritëse në organizimin e ndeshjeve të UEFA EURO 2020”.

- Reklama -

Më shumë nga kategoria




Të fundit

“Mbreti i Instagramit” në sherr me “mbretin e burgut”, “lufta” për famë

Rrjetet sociale janë kthyer në “ushqimin” e përditshëm të rinisë. Aty mund të gjesh video argëtuese, edukuese, por në të shumtën e rasteve rinia...

E kemi ditur gabim, ja çfarë ngjyre ka në të vërtetë Dielli

Nga Dr. Alastair Gunn Sigurisht që nuk ka ngjyrën e verdhë, që endeshin zakonisht në librat tuaj shkollorë. Dielli lëshon dritë në një gamë të...

Të isha socialist, do gëzohesha pafund kur Berisha e baltos Bashën kësisoj…

Nga: Artur Zheji Vetëm pak kohë më parë nuk mund të mendohej kurrë kjo që po ndodh këto kohë, edhe sikur të futeshin në punë...

“Zëri i Amerikës” shkruan për rigjykimin e Fatmir Mediut

Në Shqipëri, Gjykata e posaçme e Apelit për Korrupsionin dhe Krimin e Organizuar u shpreh sot në favor të gjykimit të ish ministrit të...

VIDEO/Nga e hëna do hyjë në fuqi udhëzimi për çertifikatën e vaksinimit

Ministrja e Shëndetësisë, Ogerta Manastirliu, ka kërkuar nga të gjithë arsimtarët dhe studentët që të vaksinohen, pasi nga e hëna do bëhet e detyrueshme...