Kryesore

“Fantastike kauza”, Astrit Patozi ka një urim për Rudina Hajdarin

               Publikuar në : 12:30 - 18/04/19 S.N

Astrit Patozi njihet si kritiku më i madh i Bashës në radhët e demokratëve. Por, djegia e mandateve dhe krijimi i “opozitës së re”, duket se i ka kthyer shpresën Patozit për një opozitë të denjë.

Ish-deputeti ka uruar Rudina Hajdarin për zgjedhjen e saj si kryetare e grupit parlamentar të PD-së, në Kuvend.

“Me këmbë të mbarë”, uron Patozi, ndërsa e quan fantastike kauzën për ndryshimin dhe riformatimin e sistemit politik në Shqipëri.

Reagimi i plotë:

ME KËMBË TË MBARË! Urimet më të mira dhe suksese Grupit Parlamentar Demokrat!

Opozitë të fortë dhe denoncim të qeverisë së korruptuar, në mbrojtje të interesit publik. Përfaqësim dinjitoz të zgjedhësve në parlament dhe përgatitje e alternativës së re për qytetarët shqiptarë.

Fantastike kauza për ndryshimin dhe riformatimin e sistemit politik në Shqipëri, si rruga e vetme për ta nxjerrë shoqërinë nga nofullat e partitokracisë, e cila ushqen korrupsionin, autoritarizmin, padrejtësisë, abuzimin me pushtetin, dhe mbi të gjitha deformon hapur dhe qartë vullnetin e qytetarëve.

Beteja dhe fitorja e kësaj është parakushti kryesor për zgjedhjet e lira dhe të ndershme në Shqipëri. Me këmbë të mbarë!

Kthehu
WhatsApp Denonco ne TT