Gjermania ka lëshuar një rekomandim, ku thotë se vaksinat e kuoronavirusit duhet të përzihen në bazë të efikasitetit.
Komiteti i Përhershëm Gjerman i Vaksinimit (STIKO) tha se njerëzit që marrin një dozë të parë të vaksinës Oxford-AstraZeneca duhet të marrin një vaksinë mRNA si dozën e dytë, pavarësisht nga mosha e tyre, shkruan CNN.
STIKO deklaroi se rezultatet e studimit aktual tregojnë se përgjigja imune e gjeneruar pas një vaksinimi me dozë të përzier “është më e sigurtë”.
Kjo e bën Gjermaninë një nga vendet e para që rekomandon fuqimisht që njerëzit që kanë marrë një dozë të parë të AstraZeneca-s, të marrin një vaksinë Pfizer-BioNTech ose Moderna si dozën e tyre të dytë.
Ishte pikërisht kancelarja gjermane Angela Merkel e cila ndërmori një hap të tillë, pasi në dozën e parë u injektua me vaksinën AstraZenca, dhe në dozën e dyte me Moderna-n.
Sipas STIKO, rezultatet e studimit aktual tregojnë se përgjigja imune e gjeneruar pas një vaksinimi me dozë të përzier është më efektive dhe e sigurtë. Vaksinat mARN të aprovuara aktualisht nga Agjencia Evropiane e Barnave (EMA) janë Pfizer-BioNTech dhe Moderna.
