Elseid Hysaj mbylli një sezon fantastik tek Napoli nën drejtimin e Maurizio Sarrit dhe vazhdon po në atë ritëm është edhe nën urdhrat e Ancelottit. Emri i mbrojtësit shqiptarë gjatë merkatos së verës ishte ndër më të lakuarit për tu larguar. Ai ishte i lidhur me Chelsea, pasi aty tashmë është trajneri italian Sarri i cili e pëlqen shumë Hysajn.
Por në fund Hysaj vendosi të qëndrojë në Napoli, nën urdhrat e Ancelottit, pasi është një trajner i madh dhe mund të mësonte shumë. Por pas refuzimit për tu larguar Napoli kërkon të rinovojë me shkodranin dhe ta blindojë atë. RAI ka zbuluar më të rejat e rinovimit të kontratës së Hysajt me Napolin e cila skadon në fund të vitit 2021.
Që të rinovojë, Hysaj kërkon të paktën 3 milionë euro neto në sezon, nga 1.8 që përfiton aktualisht. Por, në radhët e Napolit nuk ofrojnë më shumë se 2 milionë. Negociatat mes palëve vazhdojnë ende, dhe 1 milionë eurot që ndajnë firmën, duket se janë një “dhimbje” koke për presidentin De Laurentis.
