Vilson Tafçiu Noka u ekzekutua me tre plumba në gjoks një natë më parë, në zonën e Astirit në Tiranë. 28-vjeçari ishte ulur në një lokal në këtë zonë me dy vajza, në momentin që u thirr nga jashtë nga një person dhe më pas u qëllua për vdekje.
Tashmë është zbardhur edhe dëshmia e dy vajzave që ishin një natë më parë duke pirë kafe me 28-vjeçarin Vilson Tafçiu.
Burime nga grupi hetimor bëjnë me dije se teksa ishin të tre të ulur në tavolinë, një person është futur në lokal. Ai është drejtuar tek ta, dhe i ka kërkuar 28-vjeçarit që të dilte jashtë, me pretekstin se do t’i sqaronte diçka.
Siç mësohet të kenë dëshmuar dy vajzat, personi që e ka nxjerrë jashtë dukej që kishte njohje me viktimën dhe mësohet të jetë pikërisht shoku i tij, me inicialet N.D., që është shpallur në kërkim nga policia. Menjëherë pas thirrjes së tij, Vilson Tafçiu është ngritur nga tavolina dhe ka dalë nga lokali, bashkë me personin që e kërkoi.
“Erdhi dhe i kërkoi të dilte jashtë. ‘Eja të të sqaroj diçka’, i tha. Dukej sikur njiheshin. Më pas Vilsoni doli jashtë bashkë me personin që e thirri”, mësohet të kenë thënë dy vajzat.
Ekzekutimi që tronditi ‘Astirin’, identifikohet autori i dyshuar
