E sigurt që edhe ju e përdorni këtë aplikacion! Si ta kuptoni nëse iu kanë bërë “bllok”

WhatsApp-in me shumë gjasa edhe ju e përdorni, ndërkohë në këtë artikull do iu tregojmë se si ta kuptoni nëse iu kanë bllokuar.

Për hir të së vërtetës WhatsApp nuk na e tregon drejtpërdrejt nëse jemi bllokuar nga dikush, por ka disa të dhëna të rëndësishme të cilat të tregojnë.

Së pari, nëse jeni bllokuar nga një kontakt, nuk do të mund të shihni statusin e tyre në internet ose treguesin se kur e ka parë për herë të fundit (last seen).

Edhe pse kjo nuk konfirmon që ju kanë bllokuar, nëse më parë mund të shihnit statusin në internet të kontaktit dhe “last seen” dhe tani nuk e shihni dot, ky është një tregues shumë i mirë që ju kanë bërë “block”.

Së dyti, nëse jeni bllokuar, nuk do të mund të shihni asnjë ndryshim në fotot e profilit të një kontakti.

Nëse keni një mik të përbashkët me kontaktin, mund ta krahasoni telefonin tuaj me të tyrin për të parë nëse ka një ndryshim në fotografitë e profilit.

Në fund, çdo mesazh që ju dërgoni do të shënohet si “sent” por jo “delivered”, ndërsa çdo telefonatë nuk do të kalojë nëse ju kanë bërë “block”, shkruan “iconstyle”.