Ajax është duke kaluar një sezon “ëndrrash”, pasi është shumë pranë finales së Champions League dhe mban vendin e parë në kampionatin holandez me pikë të barabarta me Feynoord. Bota e futbollit është mahnitur për faktin se këto suksese është duke i arritur një skuadër që ka në përbërje një ekip shumë të ri në moshë, pothuajse të gjithë talente.
Të gjitha skuadrat e mëdha europiane kanë kthyer sytë nga holandezët për të rrëmbyer lojtarët e tyre. Por, këtë herë Ajax është treguar i shpejtë dhe ka rinovuar kontratën e Nicolas Tagliafico, mbrojtësit që kërkohet nga Reali, Atletico Madrid dhe Newcastle.
Kontrata e argjentinasit skadonte në vitin 2022, por ka rinovuar dhe ka vendosur, që të qëndrojë edhe një vit në Amsterdam te skuadra e Ajax.
26-vjeçari është një nga lojtarët më të mirë të këtij ekipi dhe po bën një sezon fantastik në kampionat dhe Ligën e Kampionëve.
